宣傳定倒米？黃又南嗜甜食自爆被勸小心腎虧

黃又南以朱古力夾心大使現身銅鑼灣街頭宣傳，他笑言由細到大也愛吃甜食，最近才幫襯牙醫杜牙根，並謂早前於內地拍攝時遇到一位90後演員，都建議他少吃甜食，要多飲水。他說：「佢叫我要多飲水，有個朋友好似我咁好鍾意甜食，依家有腎病，聽完我就驚，腎虧好大鑊架嘛！所以踏出第一步多飲水。」他笑言現時迫自己每日起碼飲兩三杯水，要變成飲水為習慣，加上多飲水對皮膚好。

提到緋聞女友杜如風，與御用化妝師好友Jenny的男友兼助手的Alvin傳緋聞，他說：「好慘，佢話點解永遠都無。我叫Alvin化妝出街，人人記得佢。（杜如風被指撬牆腳感尷尬？）大家都好Friend，Jenny仲講笑話自己行埋一邊，你哋慢慢影。Alvin亦好清楚杜如風要做啲乜，因為她好論盡，你諗下喺節日上幫佢執篋都可以做一Part，Alvin有返咁上下都扶得起她，她成日會唔小心跌低。」（攝影：朱偉彥）