九龍灣天橋電腦零件散滿地　「執定唔執」惹熱議

電腦零件有價有市，有網民上載圖片，指在彩虹往九龍灣天橋發現路面有大量電腦零件，驟眼看有電腦外殼、底版、火牛以及記憶體等。有路經網民指零件散滿一地導致該路段交通擠塞，「呢個時間原本好暢通，比佢搞到塞咗半個鐘」。 圖片上載於Facebook專頁「馬路的事討論區」，有網民直言「咁跌法執嚟都無謂」，但亦有網民指「咁又唔係咁講呀...如果係靚嘅CPU...又唔怕執呀」。