周柏豪自爆似AV男優髮型　阿Sa要求睇片遭取笑大膽

蔡卓妍（阿Sa）和周柏豪出席英皇電影《原諒他77次》見面會，有指情侶看完這套戲會成為分手導火線？阿Sa表示如果睇一套戲就分手，這段關係都很有問題，反而看完應討論大家關係，令感情再進一步。

柏豪指老婆仍未入場看，笑指戲中的床戲吻戲很小事，相信老婆會明白；阿Sa笑稱都是為搵餐飯很小事，指柏豪拍MV尺度更大，柏豪就笑說：「好彩你講MV，仲以為你講AV，之前有人講過我跟某男優的髮型很像。」阿Sa即要求柏豪send給她看，被柏豪笑大膽。阿Sa直言希望電影有千萬票房，柏豪即說：「如果過1千萬，阿Sa就裸泳！」阿Sa反擊指柏豪要做男優的動作，問到是否她做對手？阿Sa就怕馭駕唔到。