23歲生日男友送鞋「送走你」？馮盈盈唔知寓意：我畀返2蚊佢

馮盈盈（Crystal）、莊思明（Lisa）及陳凱琳（Grace）等出席港姐招募活動，Crystal昨日23歲生日，透露除了早前與男友及弟弟到東京旅行慶祝外，醫生男友竟送鞋做禮物。當記者笑指送鞋寓意是「送走對方」，Crystal驚訝說：「吓！我不知道呢！他以實用角度送禮物，惟有我畀返2蚊他，當自己買對鞋，跟一跟習俗啦，哈哈！

談到早前被拍得在沙灘啜爆男友，問到二人有否「啜爆東京」？Crystal笑說：「沒有，在東京只掛住食玩買。我睇返報道也覺得相片多角度，同事也笑我竟然看不到，可能當時放假鬆懈了，下次要提高警覺。」

至於Lisa直言不介意男友楊明做評判，奉旨睇女仔，皆因是正經工作，但說男友出街不夠膽公然睇女。Grace被問到男友鄭嘉穎會否當街睇女仔時，竟答非所問講阿爸及裙子，認真有趣！（攝影：鄧國良）