戴「大眼仔」回春　張兆輝精靈眼碌碌

張兆輝喺無線劇集《全職沒女》中，由於外形keep得好，加上演技出眾，所以俾網民激讚睇得又演得。早前套劇終於大結局，有指最後嗰幕，其實留低伏線開續集，張兆輝對此就話如果開得成，希望可以原班人馬上陣，益吓大家。

《全》劇大結局飯局當晚，張兆輝瞳孔望落去既大且圓，更具光澤，明顯戴咗俗稱「大眼仔」嘅有色放大隱形眼鏡，即時回春。翻查歷史，查實張兆輝戴咗「大眼仔」已有一段日子，身為美容院老闆嘅佢，原來唔單止識靠戒口同做運動養生，更識追上潮流，戴埋副con，型得有道理。