Amanda S.周遊列國愛出海暢泳：唔會裸泳覺得唔舒服

名模Amanda S.多年後再次出山，在佳士得春季拍賣記招會上演繹多款瑰麗珠寶，包括估價約為8千5百萬的3.98卡長方形鮮彩藍色VVS2鑽石戒指。Amanda大讚珠寶非常漂亮，教她為之心動，很想擁有。

Amanda男友Sam從事配飾生意，家底豐厚，Amanda父親近年身體有事，每個月有一半時間都要飛返法國陪伴家人，而Sam大都同行：「我們經常出埠，跑來跑去，爹哋身體唔係咁好，每月都返法國一次，之後再去英國探朋友，男友英國長大，會陪我飛完法國去英國，我的家人都好鍾意他，只有半個月留港其實都算完美，因香港現在已不像以前咁多Job，不過近來都有很多法國品牌找我。（今次是事隔幾多年再度出山做Model？)好耐，自從我開蛋糕店之後就冇做Model，不過這公司同我的關係好好，所以想我做甚麼都得，總之現在我不會再行Fashion show。」 Amanda又稱現時很享受人生，不時周遊列國尋訪美食及出海暢泳：「我好鍾意游水，有時一早起身就去游。（有試過裸泳嗎？）不會，感覺不舒服。」