翻唱《當我想起你》　楊千嬅誠意打動余文樂開金口

由楊千嬅、余文樂主演的《春嬌救志明》將會推出電影原聲大碟，今次收錄了多首歌曲，其中一首是由楊千嬅翻唱陳百強的《當我想起你》，今次千嬅誠意打動樂仔開金口唱了四句歌詞，自言有錄音室恐懼症的樂仔更做順水人情幫手拍埋MV，不過樂仔要求千嬅作回報，是在紅館舉行演唱會時安排他一嚐升上台的滋味。 早前楊千嬅、余文樂為《春嬌救志明》到北京舉行發佈會，二人難得抽出空檔拍《當我想起你》MV，並專程由香港請來攝影師拍攝，今次樂仔拍膊頭獻唱兼拍MV，樂仔笑說：「其實我係聽聞你（千嬅）想搵個model代替我，我諗下應該冇model可以代替到我，咁我唯有自己做返，咁你又慳返啲錢。」

千嬅其實早已為《當我想起你》錄音，但她總覺得好似欠了些甚麽，而且她回想起劇情有些感動位，千嬅對樂仔表示，要信相她的音樂直覺。樂仔笑說：「我梗係唔敢懷疑你，你睇下我嘅音樂成就係零就知！」千嬅指樂仔太謙說：「我同你唱過K，真心係唱得好嘅！如果你唱得難聽我會講，你走音我真係咩你！」