楊千嬅唱《生還者》似魔咒　余文樂反撃：我小五就聽《可惜我是水瓶座》

楊千嬅、余文樂及導演彭浩翔齊齊作客TVB娛樂新聞台節目《StarTalk》，接受主播許文軒（Edmond）專訪，大談拍攝《春嬌救志明》感受，期間笑料百出，三人更笑指第四集可嘗試拍《春嬌拜志明》。《春嬌》系列已拍到第3套電影，千嬅表示合作多年大家有了默契，但卻向彭浩翔投訴以護士Look床戰余文樂一幕。她説：「基本上導演第一次接觸我已經挑戰緊我嘅底線，其實今次扮護士我唔係唔想做，而係本身件衫好肉酸，好似童裝咁細件，紙紮咁。」彭浩翔即：「佢唔想做我就唔知，但拍完件衫唔見咗，唔知邊個話楊小姐攞走咗喎。」

楊千嬅表示最開心可以親自演繹電影原聲唱片內的歌曲，好辛苦才叫得郁余文樂於原聲唱片內唱幾句。問到余文樂為何不喜歡唱歌時，他說：「我好怕入錄音室，覺得好似入咗陰宅咁，會打冷震，監製王雙駿同我講，原來我係第三個人咁講，第一個梁朝偉，第二個係古天樂，咁啱三個都係演員。我真係好怕聽到自己把聲，所以暫停咗唱歌。」千嬅取笑余文樂過往有好多金曲如《生還者》，更現場唱了幾句。余文樂還擊：「唔好唱啦！魔咒咁！你成地金曲啦，我小學五年班就聽《可惜我是水瓶座》。」 彭浩翔自爆要演員挑戰自我，專登要余文樂在片中唱歌扮女人，他說：「我知道佢唔鍾意唱歌，等於千嬅唔鍾意扮護士一樣，我專登要佢哋做一啲唔想做嘅嘢。其實余文樂唱葉玉卿唱得好好，特別係《男人是否都一樣》同《擋不住的風情》，佢有次扮葉玉卿好好笑。」