陳瀅性感低胸女僕Look　搞到宅男噴血嗌救命

陳瀅於正在播放的無線新劇《全職沒女》中飾演酒店房務員繆思，因劇情講述酒店闊少張振朗經常幻想遭陳瀅發姣勾引，陳瀅不時耍出姣樣，引得一眾宅男觀眾追看。 不過講到真性感，就不及陳瀅同張振朗為See See TVB的臉書，拍攝一段「酒店西人集」短片，延續劇集演酒店房務員繆思角色，但就大玩低胸性感女僕造型，一開始俯身執床晒32C上圍，再來個咬床褥，仲唔搞到一眾宅男嗌晒救命，好似片尾張振朗場戲咁噴晒血？

其實成個短片是講入住酒店最麻煩的客人，好多酒店從業員留言回應，其中最尾一幕講陳瀅怒踢在酒店自殺死的張振朗，有網民就留言間間酒店都有人死過，反而引來最多回應。