【做人好開心】冇留意吳綺莉母女新聞　成龍不受影響：永遠係咁

成龍在澳門出席《第21屆Channel［V］全球華語榜中榜暨亞洲影響力大典》，獲得「榜中榜年度電影歌曲：《功夫瑜伽》」和「全球華語電影歌曲特別貢獻大獎」兩獎。講到向太陳嵐早前就吳綺莉涉刑恐一事作出回應，力撐成龍有情有義，成龍說：「第一我不看八卦新聞，少了很多煩惱。（向太話你攬住她喊？）係咩？多謝你們。（有沒有看卓林的報道？）我不上網不看八卦新聞，少很多煩惱，以前睇就有很多煩惱。（重提舊事令你不開心？）不會，現在做人仲有乜唔開心？（有沒有影響你？）一世係咁，永遠係咁。」當講到向太指他曾被恐嚇勒索？成龍即說「後面有人等緊」避談，隨即轉身離開。但他之後又主動對傳媒說：「我無咩唔開心，我好開心，奧斯卡都攞了，仲有咩唔開心。」之後就離開現場。

對於有報道指「大哥片場」去年因僭建貨櫃屋已被屋宇署「釘契」，雖然署方勒令要回復原狀，但貨櫃屋至今仍安然無恙。成龍大哥開腔回應：「不要小題大做，件事已交律師處理，有時交畀人拍嘢，不知道他們搭了些甚麼，我無返去睇，但我知道件事，會跟法律去做。（影響拍戲？）無，我少在香港拍戲，我都想回香港拍，但香港少佈景，又不可以封街，如果拍藍佈景綠佈景就會盡量回香港拍。」