何遠東演活對母愛恨　網民望善用好戲之人

何遠東在無線劇《心理追兇Mind Hunter》被飾演母親的馬海倫不停喝罵與侮辱壓迫下，終於出手反抗用生果刀殺死阿媽…網民對何遠東這幾場戲都好感動，亦讚他演技出色，令大家都好同情他演的角色。網民說：「今次個角色係好立體，對母親又愛又恨，唔再係一味懦弱或貪威識食。」 有網民就撐何遠東演得好過某些受力捧小生，但亦有平心而論：「肥仔係好戲，但可惜外形始終會限制佢可以做嘅角色，希望TVB唔畀男一佢做，都可以善用呢啲好戲之人，等佢地有發揮。」何遠東對大家的讚賞，不忘留言多謝；另外，馬海倫的演技，亦獲網民讚謂跟出爐金像獎最佳女配角有得揮咁話。