孖岑杏賢探黎諾懿B仔　張嘉儀讚「神之子」靚仔可愛

「神之馬壯」黎諾懿昨日榮升為爸爸，陪老婆李潔瑩入產房見證「神之子」小春雞出世。圈中好友岑杏賢、張嘉兒急不及待去醫院探BB，張嘉兒更帶埋半歲囡囡Leora見小春雞，並恭賀兩位新手爸媽：「見返一日大嘅BB即刻有啲感動到想喊。恭喜晒，小春雞好靚仔，好可愛啊。 希望佢健康快樂，孝順父母，做個好大佬。」張嘉兒祝小春雞做好大佬，唔通黎諾懿咁快就計劃再「造人」啦？ 另外，父愛爆棚的黎諾懿不時拍片紀錄B仔的一舉一動，小春雞個喊樣、瞓覺樣令網民都讚「好得意」、「似爸爸」、「好多頭髮啊」。