【認戀鄭俊弘後】何雁詩ig被網民狂罵　轉戰臉書避惡評

鄭俊弘（Fred）自昨日被爆有個結識3年的富家女未婚妻beebs，同時揭發他暗撻同公司的何雁詩（Stephaine，Step），被指小三的Step以短訊回應及在instagram（ig）都自稱清者自清；但Fred被爆料後一直「潛水」不作回應，至昨晚在家姐陪同下回唱片公司接受無線娛樂新聞台訪問才露面，但他全都否認同Step拍拖，只稱二人是朋友關係。 今日再有二人拖手睇樓報道曝光，唱片公司老闆何哲圖下午還死撐二人沒拍拖，但二人於傍晚卻手拖手現身機場認戀，狠狠地落無線同唱片公司面！Step之後再在臉書澄清「不會在知情內成為第三著」，及「我可能無知，但我光明正大」。之前在ig貼文的Step今次選在臉書貼文，原來回應都有不同，講明「其他難聽的說話可免了」，在臉書的回應幾乎全都是支持；相反她在ig說「清者自清」後的貼文，大都被網民漫罵：「做藝人做到你咁冇曬誠信！仲撐自己清者自清」、「對你好失望，原來你只不過是大話精」等。