爆關淑怡財困有志偉搞掂　林敏驄：贏咁多錢做咩

林敏驄為其作品展演唱會舉行記者會，宣布演唱會將於6月9、10日假紅館舉行，歌手好友譚詠麟、鍾鎮濤、鄭中基、草蜢、張衛健、李克勤、何超儀、蘇永康、劉浩龍等拍片支持。 阿驄由兩位身穿Bikini top的洋妞旁住出場，笑稱兩位法師幫老闆林建名開光；又笑主辦單位之一的黎瑞恩「大份」，是他的媽媽，現在是大媽。阿驄表示拍片的所有好友均會來任表演嘉賓，很多真正朋友，全無托手踭令他大為感動。問有否邀請關淑怡？他說：「有。（對方答應？）有答應，佢好positive，都有私訊。（有否關心她的近況？）有，佢有時都打畀我。（會否擔心她情緒起伏突然來不到？）唔會，同佢通話，ok。（有傳她財困？）呢啲（曾）志偉搞掂啦，贏咁多錢做咩！」阿驄亦有邀請郭富城，小美表示會度期。談到城城要結婚，他笑言到時已結完啦。另外，問女友（阮嘉敏）會否來？他反問：「邊個？諗多咗。（唔畀佢嚟？）冇呢件事，傻傻地。」（攝影：羅安強）