上載阿Sa答錯IQ題片段　何超蓮鼓勵大家一起微笑

剛出調查報告香港服務業從業員微笑指數全球排尾二，賭王最美千金何超蓮就在社交平台發放老友阿Sa（蔡卓妍）答的IQ題爆笑料，讓大家笑多啲！ 片段好認真，驚大家聽不清，還要有字幕同Emoji。超蓮發問前，阿Sa已報定案：「哎吔，我啲數學好差㗎！」當超蓮問：「我6歲我妹係我一半嘅歲數」，阿Sa好清晰說：「即係3歲啦！」但當超蓮再問：「咁我依家60歲，我妹幾歲？」3秒倒數，阿Sa答：「30歲！」笑到超蓮背轉踎低身，問：「點解你會錯㗎？」阿Sa仍一臉可愛笑問：「唔係咩？一半嘅歲數吖嘛！」超蓮快鏡解釋1分鐘後，阿Sa仍說：「咁唔係30加30係60咩？」超蓮就留言：「這邊有一隻很可愛的Sasa豬！一起笑～一起微笑」。