扭傷腳獲女友畫畫祝福　蕭正楠揭翠如䁥稱：Thank you臭魚 　

男女朋友之間，至少有一個私底下的親蜜䁥稱。話說蕭正楠日前40歲生日仍要趕拍《深宮計》，可惜拍吊威吔戲時不慎扭傷腳。抖足4日，蕭正楠今日上載左腳腳掌的相片，畫上「GET WELL SOON」，更有一位小天使捉住蕭正楠的腳趾公。傷者蕭正楠留言：「Thank you 臭魚 #名畫家作品」。 見畫風充滿少女味，「魚」的發音又同「如」相似，「臭魚」呢個䁥稱，睇嚟都係講緊女友翠如。加上翠如去年拍節目遠赴瑞典、芬蘭體驗打工生活時，曾帶過兩罐比臭豆腐臭足20倍的臭魚罐頭回港做手信。唔知蕭正楠係咪收到罐頭手信，從此改女友個朵叫「臭魚」呢？ 另外，翠如主演《我瞞結婚了》，有女僕Look曝光，著上高筒絲襪、高跟鞋的翠如騷長腿，仲有幾分㗎妹味，網民都話好期待睇到女僕翠如的演出。