曾俊華致傳媒感言：真正咁hea下　江湖再見！

特首選舉結束，不少人都關注落敗的曾俊華動向。他今日向傳媒發放一段錄音，表示「 to hea or not to hea, that is not really a question.」打算暫時休息一段時間，與家人享受生活，「 真真正正咁hea下，可能行下太平山 、 可能行下獅子山。」最後說「有緣江湖再見！」 曾俊華錄音感言全文： 各位傳媒朋友，1月19日我一句「to run」就辛苦晒大家，尤其是攝影大佬，佢哋陪住我喺街上真係run咗60幾日，文字記者喺keyboard度又run咗數以萬計字數嘅報道。 我睇番啲相 、 電視畫面，聽和讀啲報道，感受都好深，真係好感謝大家留俾我難忘回憶。 隨著選戰落幕，我現在要說一句 : to hea or not to hea, that is not really a question 。 我諗我會接受網民提議，唔理三七廿一，先休息一段時間，與家人輕輕鬆鬆享受生活，真真正正咁hea下，可能行下太平山 、 可能行下獅子山。所以我祝各位傳媒朋友工作順利 、 生活愉快，大家有緣江湖再見！