(星星TALK樓) 「小巨肺」林欣彤 靠「慳」再圓上車目標

於電視歌唱選秀節目《超級巨聲2》奪冠，因而一炮而紅的「小巨肺」女歌手林欣彤（Mag），早年因家人需要而沽出自住單位，近年樓價雖飆升，但有見自己事業漸上軌道，故再次萌生買樓念頭。她坦言，希望憑藉一個「慳」字，第二度圓上車夢，目標為大埔區，購入600方呎中型單位，與家人同住。對於事業展望，近期銳意進軍影視界，希望從歌影雙綫發展，闖出一片天。 林欣彤入行後，曾於沙田買樓置業，年紀輕輕已一圓上車夢。不過，早年她因為家人財務上的需要，因而沽出自住物業套現，雖然目前樓價拾級上升，但她坦言無悔當初。「冇得後悔，因為當初唔係炒樓而賣，而係手上需要錢。我覺得，買樓都係要講緣份。」 買樓要講緣份 阿Mag憶述，初次置業要靠朋友，皆因律師費、佣金，以及其他買樓知識，完全需要朋友給予意見，自己也需要注意個人流動資金，同時要做調查。 但她坦言，第一次買樓上車，最重要是全靠一個「慳」字，例如不追逐潮流，不常換電話，波鞋不常買，故希望再次上車，也能緊守上述規條。不過，在演藝界打拼的阿Mag，要做到不追逐潮流，是否有點困難？她笑言：「係要忍住㗎！見到好多想買都要忍，因為買靚衫都只係着畀人睇，唔太抵，其實自己有需要就ok，唔需要不斷買。」 每月儲20%收入 阿Mag更「教路」：「買衫買啲百搭嘅衫，款式最好用啲長青啲，襟着款式，咁就可以慳番好多！」她補充，每人都有自己的style（風格），故此不需動輒緊貼潮流。 對慳錢甚有心得的她表示，目前置業十分困難，因為人工升幅細，但樓價就急升，但她仍記住老一輩的教訓。「錢要逐少逐少咁儲，唔好睇少搭的士，其他不必要使費，積少成多下，其實好緊要。」她還指，目前每個月都會規定自己，最少要把每月收入20%儲起來，以便日後置業。 鍾情大埔區 談及心水的置業目標，阿Mag指較為喜歡大埔區，因為自己對於該區環境較熟悉，現時目標為一個600方呎的單位，希望可與家人一起同住。雖然，現時樓價十分高昂，置業夢看似遙遠，但她認為只要努力，第二次上車夢仍有機會達成。