FOX香港開劇　華仔監製《香港華爾街》秋生小紅演《心冤》

外國電視劇市場發展成熟，不時都有電影演員或導演參與拍攝電視劇集，相反香港就相當落後，睇嚟睇去都係大台劇集，不時出現同一演員出演多套劇集的情況。美國福斯傳媒集團（FOX）將於明日（14日）開記者會，據知將宣佈開拍多部迷你劇集，包括將於4月開拍，由葉念琛監製，黃秋生、惠英紅、謝君豪主演的懸疑劇《心冤》；另外一部由劉德華監製的《香港華爾街》亦將開拍，但記者會上不會公佈。 網民最擔心就是《心冤》有影帝影后級演員，但由葉念琛監製，擔心劇集會似《獨家試愛》等質素，變得「不似預期」，就此事《頭條Pop News》向FOX查詢，發言人指有留意網民意見，但他們仍對葉念琛有信心，亦指今次是對方首次監製懸疑劇，相信會帶給觀眾驚喜。對於外界指FOX今次拍劇是以無綫為競爭對手，FOX方面否認，又話大家方向不同，他們希望將本地作品國際化，並期望迷你劇能於今年內於衛視電影台播放。