羨慕「鋒菲」公然嘴咀　容祖兒：我就冇咁愛

容祖兒到電台宣傳於3月底假灣仔演藝學院舉行的演唱會， 她笑指來宣傳已售罄的演唱會，謙稱不是自己受歡迎，而是個騷門票少，沒想到以Side Track歌為主的演唱會也那麼多人感興趣。祖兒據聞門票炒至40倍，直指太過份，呼籲黃牛黨用正常價放飛，不要那麼猖狂。 祖兒解釋在演藝學院開騷是想與觀眾有親密距離，有心貼心感覺，並非大製作。今次只有一首歌要排舞，不需要地獄式排練，媽咪也大為輕鬆。不過選曲和演唱會鋪排也傷腦筋，因此下巴長出了一粒暗瘡。 祖兒指演唱會用音樂講心事，除演唱自己歌曲，也有心水唱別人的歌。當記者提議唱男友劉浩龍歌曲，她笑說：「等人哋開騷先。（不是你心水？）係，諗下先。（未試過公開唱他的歌？）係，有咁需要咩？唱得好過佢點算。（可合唱？）唔好搞咁多。」 此外，談到好友謝霆鋒與王菲在機場嘴咀，祖兒說：「咁sweet，我諗佢都冇諗到俾人睇到。（你是否很少在公開場合這樣？）盡少，盡可以忍住先。睇得出佢哋按捺不住，真係好愛。（你有冇咁愛？）我就冇，所以影唔到呢啲相。」 最近其胞弟被指搭上人妻空姐，問有否了解細佬感情事？她說與弟弟關係密切，在同一屋簷下，多多少少也有跟她說。祖兒說：「佢大個人識得處理，佢呢方面比我老到，我唔擔心，希望佢快啲結婚，騰空間房畀我。（媽咪會否希望你先騰出間房？）我聽唔到呢方面訴求。細佬先，佢生當係我。（你何時生育？）40歲前啦。」（攝影：羅安強）