雪藏冇得撈？　江嘉敏澄清：TVB有畀嘢我做

獲網民封為清純女神的江嘉敏，在TVB劇集《親親我好媽》中，飾演江美儀大女。22歲的江嘉敏在劇中扮學生妹無違和感，樣甜又清純，自然得人鍾意。不過有傳江嘉敏工作態度有問題，因此被雪藏的她亦消失於《親》劇的宣傳活動。 對於雪藏傳聞，江嘉敏在Instagram上載婚紗相，指一直在TVB有工作做，以作澄清。她留言：「收到好多朋友的問候，多謝大家關心，其實TVB一路有畀嘢我做嘅！好似呢個promo咁，同宣傳部嘅同事做嘢係好好玩嘅事，尤其多謝Kelvin、佩佩，南南導演一直咁照顧我，大家有看過嗎？其實自從《親親我好媽》播出之後，多咗人follow真係好開心。多謝大家的喜愛，我都想同大家見多啲面，不如過幾日有時間就開個live同大家傾吓偈好唔好呢？（嚟緊其實仲有一套劇集出，不過因為未播所以我就.....」網民都留言支持江嘉敏，仲打氣話「睇好你！」