Kelly Online：欲購從速！戲院情人節特別場「單丁位」賣剩兩個

聽日就係情人節喇！有情人嘅當日就sweet sweet啦！不過班「小獨毒」就……唔驚唔驚！其實情人節唔一定變愁人節嘅！一個人都可以有好多節目架！ 呢幾年都有「死死團」發起「買單丁位」行動，令情侶們無得買「孖位」睇戲，誓要趕絕情侶放閃！有戲院就「順應潮流」，索性搞個「情人節氣魄更壯♥特別場」，擺明只賣「單丁位」，包你見唔到情侶咁話。 之不過咁喎！要觀眾自認「小獨毒」，又唔可以「拆散鴛鴦」，會唔會有人買票架？呢層就唔使擔心，因為擔心都無用，特別場戲票今朝已經賣剩兩個位喇！ 有網民話，呢間戲院嘅marketing都幾醒！畀「小獨毒」發洩怨氣之餘，又可以限制佢哋睇「非愛情類」嘅《LEGO®蝙蝠俠英雄傳》，又唔見佢推《格雷的五十道色戒2》咁話喎！亦有網民話，其實戲院都係搞吓噱頭，等無拖拍嘅人可以有活動玩，唔好咁陰謀論喎！