Kelly Online：林鄭用膠餐具食湯圓　半小時吸800嬲嬲

今日是元宵佳節，特首參選人林鄭月娥亦按傳統習俗，食吓湯圓應節，佢喺facebook「林鄭辦公室」出post：「元宵佳節，特意在競選辦與同事一同細嘗湯圓。元宵除了與家人朋友聚首一堂外，更重要是要珍惜眼前人。在此祝各位幸福快樂、團團圓圓。」出post後半個鐘已經吸咗800個嬲嬲，所為何事？ 原來林鄭上載嘅相入面睇到，佢用膠餐具食湯圓，似乎唔多環保喎，但佢hashtag話一定會重用餐具，即刻引起網民「挑機」，話佢「帶頭唔環保」，更有網民指出，單憑呢張相，如果林鄭當選嘅話，政綱一定唔會關注環保。