冧到爆！丁生真．煙花賀千嬅　從後攬攬晒幸福

到底女生收什麼花最閃？今日丁子高就作出完美示範，老婆楊千嬅2月3日就43歲生日，二人在社交媒體分別放上「閃爆」的相及片，原來丁生為了千嬅放煙花，而且準備花束，更從後BackHug千嬅，甜到爆！ 丁子高率先將煙花片公諸同好，還笑笑口指「殺你一個措手不及！」及「突擊成功預祝丁太生日快樂」果然千嬅立即變成大笑姑婆！但都超級Sweet地被丁生攬緊，更笑言「嚇一嚇⋯⋯公主變蕃薯」，hashtag「多謝他給我的」，真的十分驚喜！ 楊千嬅與老公丁子高早前大排宴席，請來親朋戚友齊齊團年，在席間又為她提早慶祝生日。千嬅一直家庭與事業並重，她坦言很愛家庭，所以雞年第一個心願是囝囝Torres成功考入一間理想學校。她說：「個仔入到好學校就大家都會好，咁代表我可以好投入咁去做嘢，我個仔考唔到學校大家就會好似陰天咁，去年我好懶惰，真係好抱歉，懶係因為要照顧小朋友，踏入2017年我會繼續努力！繼續揚名立萬，我又祝大家身體健康，未嫁快啲嫁，嫁咗快啲生仔，未娶快啲娶老婆啦！」