黃秋生力證軒仔抑鬱冇復發：點解針對佢

黃秋生、泳兒及湯怡出席活動，黃秋生坦言兒時讀書是寄宿生，雖然家境貧窮，但每年生日媽媽也會買隻雞髀給他。由於生日適逢開學，所以媽媽會隔住學校閘門將雞髀交給他，更笑謂似探監。現時媽媽行動不便，不過生日時秋生會買隻雞髀，託媽媽給自己。 對於劉德華因拍廣告墮馬導致盆骨撕裂，秋生表示今早收到對方回覆的訊息，也叫華仔安心療養，他說：「對他身體有信心，但大家好擔心，等他好返點先探他，呢個情況下他不適合服侍朋友。（有指華仔要停工9個月？）對他來講唔係他損失，係觀眾損失。」 提到有傳張敬軒被踢出內地節目《我是歌手5》令抑鬱病復發，曾與張敬軒合作的秋生說：「同他吃飯無事，我見到諗住安慰他，但倒轉頭請我吃飯。新年後搵下他，因為我去新加坡演三場《仲夏夜之夢》。（軒仔無事？）無嘢，唔通我話你有嘢咩，咁荒謬唔好發生，不停炒作東西好似節慶搞一次，咁多人點解針對他。」 泳兒表示農曆新年會跟男友會歐遊1星期，因當地車路較廣闊，所以她會駕車遊。問到可有心理準備於當地結婚？她說：「如果有驚喜我已經準備好，冇都唔會失望。」