外籍截車黨向司機派區旗強索20元　警拘俄羅斯漢

近日盛傳在油尖旺出現一批外籍「截車黨」，他們會在路口位置向停車等候交通燈的司機派發區旗及小紙條，事後再索取20元，若司機拒絕就範，該批「截車黨」就會攔在車頭，阻擋其去路。警方經調查後，今日在油麻地拘捕一名俄羅斯男子，涉嫌違反逗留條件，被帶返警署扣查。 有網民在社交網站facebook群組「馬路的事討論區」發文，稱近日有一則傳聞，指油尖旺區出現一批外籍青年，他們會在交通燈前等司機停車，隨即向司機送上區旗及一張小紙條，大部分司機以為免費接過，「但當你攞左支旗之後交通燈即將轉緑色之際，班鬼仔會問你攞$20！原來張紙仔寫住每支旗仔$20！如果你唔比，佢地一個企車頭一個企司機位，司機為免麻煩只好俾$20!」 文中又估計該批外籍青年每小時可賺取100至200元，更形容「非常好賺」，呼籲市民如遇相同情況，切勿上當。 不少網民留言回應指，曾在東涌、旺角朗豪坊外及太子道洗衣街等地遇到同樣情況，有網民指「星期三晚係(喺)逸東酒店門口試過，交左(咗)係我手度要我比$30,比返佢唔接仲黑面，然後我掉落地佢執返就走」，亦有網民指「太子道洗衣街，派完比格仔車，再派比我，之後比紙仔我，我一見轉燈就比油，但見佢好似有野(嘢)講咁都冇理佢」。 警方表示，今日於油麻地上海街及窩打老道交界，拘捕一名持護照入境的26歲俄羅斯男子，他疑向途人及司機兜售旗幟，涉嫌違反逗留條件被扣查。警方正調查是否有其他人涉案，呼籲巿民遇到同樣情況應報警求助。 建立時間：20:40 更新時間：23:00