兩公婆洛杉磯遇刧　蔡一鳳：伸手入老公褲袋搶錢　　

蔡一鳳（Michelle）與盛品儒日前飛去美國旅行，不過兩公婆認真多災多難，繼航空公司因資料出錯令Michelle行程受阻後，二人今日在美國洛杉磯比華利山某商場shopping時，遇劫損失數千港幣。 Michelle事後講述事發經過：「當時我哋喺商場購買家居用品，之前我都叫過老公唔好將啲錢亂放，佢又鍾意放喺褲袋，搞到俾人盯上，可能個黑人見到老公袋住成捆現金，我哋冇為意被人跟住。」 Michelle更指賊人疑似有槍：「一出商場見到佢用手兜住件衫，似有槍，然後叫我老公將身上嘅錢拎晒出嚟，我哋話冇錢，佢就伸手入老公褲袋就搶錢，老公拎住兩袋嘢，反抗唔到，佢拎走成疊錢就掉頭跑。」她坦言被搶去近$1000美金，幸好沒拿名牌Hermes手袋出巡，否則連手袋都會成為賊人囊中物。 心情定下來後，Michelle在FB報平安，更好好胃口擦返餐日本菜，她留言：「經歷了老公被搶現金的驚嚇之後，深感LA的治安也馬馬虎虎，要吃飽了才能保護互相，於是找到了一家好棒的日本餐大快朵頤，一解雪恥。」