街頭疑遇身光頸靚「呃食黨」 精明港女新招對付 「照妖鏡」一出即知落難真偽｜Juicy叮

「呃食黨」無處不在，有精明港女早前在街頭遇上身光頸靚的疑似「呃食黨」騙徒，三兩下手勢使出新招嚇退對方後，即把這個帶「照妖鏡」功能的方法上載至社交平台Threads與網民分享。

相關閱讀：「呃食黨」疑入侵青衣 「上海生意人」四圍借錢食飯 街坊大爆行騙手法

樓主在帖文中講述事件和使出新招的經過，詳見下圖↓↓↓↓

街頭疑遇身光頸靚「呃食黨」 精明港女新招對付 「照妖鏡」一出即知落難真偽

樓主：勁好笑，剛剛有個著得身 光頸靚大陸女人喺街截住我。

樓主：先問我識唔識得講中文 （普通話），我已經知道係想 問我拎錢（試過無數次啦）。

樓主：所以我用廣東話答佢， 我識得聽，但係唔識得講。

樓主：佢回答我那都可以，然 後問我可唔可以買嘢食俾佢，

樓主：話佢哋呢一度搵朋友，但 個朋友又唔喺度，支付寶又限制 咗，問我可唔可以請佢食嘢。

樓主——我：（廣東話）可以啊你想食咩？

樓主——我：（廣東話）但係我有條件，就 係請你食嘢之後我要影相放上小紅書嘅。

樓主——我：（廣東話加手勢）影相！小紅書！

樓主：然後就走掉了～

樓主：喂呀我一開始用廣東話問你 食咩嘅時候你又聽得懂？一話要影 相放上小紅書就突然間聽不懂鳥。

樓主：呃錢都專業啲，上下戲劇班先啦。

樓主接著在回應欄補充，強調「我唔係講笑㗎，我已經開咗個（內地社交平台）小紅書acc（帳戶）去面對呢啲情況，如果佢真係俾我影相放上去嘅，我會相信佢可能真係有困難，亦都唔介意真係請食一餐飯」。

相關閱讀：身光頸靚「呃飯黨」出沒 長髮女向男子落手 當街嗌ＸＸ、ＸＸ

街頭疑遇「呃食黨」 港女新招對付逐張睇↓↓↓↓

樓主帖文。Threads截圖

樓主：我唔係講笑㗎，我已經開咗個（內地社交平台）小紅書acc（帳戶）去面對呢啲情況。Threads截圖

小紅書。網上截圖

呢招幾好。Threads截圖

網民講述自己的經歷（一）。Threads截圖

點解一話擺上小紅書就唔得？Threads截圖

網民講述自己的經歷（二）。Threads截圖

網民：最怕佢哋（食嘢之後影相放上小紅書）厚面皮到話可以。Threads截圖

網民：呢個方法超好

對於樓主的做法，有網民好奇查問「點解一話擺上小紅書就唔得？？」、「乜佢哋驚小紅書？ 」，有人則回應指「佢哋會俾人人肉（搜尋）到出嚟」、 「佢哋成名的機會呀」。不過，也有人擔心「最怕佢哋厚面皮到話可以」、「佢哋應該唔怕」。雖然如此，網民大都讚好這方法，力讚樓主「你好醒呀！」、「呢個方法超好」、「學到嘢喇 。下次跟你咁答」、「勁，咁都可以玩返轉頭」、「呢招幾好」。

網民分享遇「呃食黨」經歷

見到有人遇上懷疑「呃食黨」 ，不少網民也熱心講述自己的經歷，順道警世一番：

•粉嶺某屋邨都出現過類似情況，依家好多落咗嚟搵食，大家醒水啦；

•之前有兩個後生女問我可唔可以支持佢地創業，身光頸靚喺度乞食真係好核突；

•我琴晚都係呀！個男人帶住個老婆同個BB車話自己係台灣嚟（但東北腔），話要$300蚊塔的士去機場～我本身諗住幫佢地call（叫）車直達機場，跟住佢又話$300，一時又話$100，唔同佢玩lu。

•其實我以前都試過一次，夜晚7點幾喺紅磡大酒店附近遇到一個40幾歲著裇衫西褲嘅男人。佢都係問我識唔識普通話，我話識。佢話那就好，跟住話佢係大陸過來，本來係等領導過來後才去食飯。但等了很久還未見到領導，問我可否請他吃飯。我答佢可以啊，話佢知，叫佢一直向前走就可以見到警察局，他們會請你食飯的。佢答好，仲謝謝我之後走咗。真係助人為快樂之本！

相關閱讀：啟德「美女黨」被追擊踎地求饒：「我求求你們，別拍了！」孭名牌袋疑專呃長者↓↓↓↓

有網民在啟德發現「美女黨」疑呃長者，於是展開跟拍追擊近3分鐘，「美女黨」奔跑仍未能甩脫，一度踎地求饒：「我求求你們，別拍了！」

網民在「啟德居民自由講」FB專頁發布事發影片，全過程如下：↓↓↓↓

啟德「美女黨」被追擊踎地求饒：「我求求你們，別拍了！」孭名牌袋疑專呃長者

啟德「美女黨」被追擊踎地求饒：「我求求你們，別拍了！」孭名牌袋疑專呃長者

有網民以「小心此人周街問人攞錢！」為題發布追擊「美女黨」的片段。

疑似「美女黨」的女子，樣貌清秀略施脂粉，孭著名牌袋，淡色毛衣搭配緊身牛仔褲，穿著年輕時髦。

片中，樓主追拍該女子，質問道：「靚女，你係咪好等錢使？成日問人攞錢嘅。」

該女子未有理會，繼續前行

她以手掩嘴，似想避開鏡頭。

樓主的女伴這時再追問：「見你周街問啲阿叔攞錢！」

女子這時繼續以手遮嘴，並突然轉向飛奔起來

樓主和女伴即時追前

其女伴說：「你遮面無用㗎，遮埋隻眼，笠住個頭，笠埋隻眼啦，乞衣！」

該女子繼續不發一聲，越跑越快

更將孭在背上的名牌袋，改為手持，以加快速度，企圖甩開樓主。

樓主繼續追擊，邊拍該女子，邊大喊：「你係咪好等錢使啊！」「喂啊！我請你食飯啊！」

女子走向地盤附近，繼續奔跑

樓主向路過途人大喊：「呢個女人，成日問人攞錢啊！周街問人攞錢！」

未幾，樓主追上該女子，女子馬上又用手遮蔽嘴，避免廬山真面目曝光。

樓主邊拍邊警告：「喂，你唔好係到搞埋啲咁嘅嘢好喎，真係睇你唔出喎！」

這時女子又再飛奔，雙方再度展開追逐，樓主大喊：「捉住佢啊！」

女子跑了一會，突轉頭以普通話向樓主表示：「你倆幹嘛？煩不煩！」

樓主即大聲說：「煩咩啫，你成日周街係到問人哋攞錢，咪攞咗好多錢！」

女子未有反駁繼續以手遮嘴向前走，行了一會又說：「我聽不懂你說什麼！」

樓主即罵道：「聽不懂？呃人錢，周街問人攞錢！」

樓主這時已追拍了該女子近3分鐘，期間他不斷向途人「介紹」該女子：「佢周街問人攞錢，呃人錢，鍾意問啲阿叔攞錢啊！」

這時女子突然踎在地上

樓主這時向她表示：「去差館啦！」樓主的女伴則謂：「你無飯食咩？又唔似啊！」

樓主這時向女子說：「報警啦！報警啦！」

該女子聽到報警，又再彈起身，向前加快步速

她並轉頭向樓主求饒：「我求求你們，別拍了！行不行？」

樓主女伴即說：「講普通話，轉登落嚟搵食啊！」

樓主亦喊：「搵食啊，條女！」這時女子突拔腳狂奔，快跑逃去。

網民熱議事件：「好眉好貌，落多多知呢d落黎搞死d呀伯。」「辛苦樓主兩位，追左佢咁耐。 佢係D呀叔面前扮可憐，順便釣下有冇老襯。」

「樓主做得好，最好報警處理埋佢，唔好俾呢啲人咁放肆，最重要大家都唔好俾錢縱容佢地。」