Dear Jane成軍20周年紀念 5.11-14辦紅館演唱會 天台影宣傳海報見一景致感觸

2025年是Dear Jane成軍20周年紀念大日子，今日公布將於5月11至14日假紅館舉行《Dearest Dear Jane Live 2025》演唱會。Dear Jane對上一個紅館騷是2021年，四位成員異口同聲︰ 「四年冇開紅館，今次先開4場，名為＂Dearest”係『最親愛』意思，我覺得你嚟我哋演唱會，就會搵到最親愛嘅朋友。你哋都係我哋嘅『最親愛』，我哋嘅歌亦都係你哋嘅『最親愛』！入面有好多故事，整個表演會圍繞住呢個主題。」

天台拍宣傳海報感觸

早前他們為演唱會海報選址天台及樓梯拍攝，「海報概念有啲似係一封信或者一張明信片，似係歌迷寫信畀我哋，又或者係我哋寫封信畀歌迷，互相分享感受、經歷，呼應返我哋第一次個紅館演唱會個名，用寫信嘅下款《Dear Jane Yours Sincerely Live》。海報喺樓梯影，可以話係代表住音樂里程上嘅每一步。（由樓梯走上天台係唔係完成目標？）唔係囉，哈哈！冇錯，天台係一棟樓嘅最高地方，但當你人在天台，你會望到對面有更多更高嘅天台。天台風景好靚，音樂嘅里程，唔會只係停留喺一棟大廈，走完一棟樓，我哋會走向另一棟更高嘅樓！而天台應該係畀我哋間中走上嚟Take a Break，望一望呢個咁靚嘅世界，然後我哋又繼續向前行。」

相關文章︰陳蕾Dear Jane領軍華納晒冷show MC張天賦與洪嘉豪限定跳唱 Kiri T和歸綽嶢性感解放 湯令山夥舊愛同台不尷尬

成軍20年，Dear Jane 5月再登紅館。

1月中，Dear Jane與台灣男團五堅情在亞博舉行「W0LF（S）五堅情 x Dear Jane音樂會」，五堅情坦言因不能用流利廣東話跟Dear Jane溝通感抱歉。

成軍20年，Dear Jane為5月紅館show，在天台頂樓拍攝海報。

Dear Jane用高樓大廈比喻音樂路。

Dear Jane在樓梯影海報，代表他們的音樂路，一步一步來得不易。

Dear Jane於5月11至14日假紅館舉行《Dearest Dear Jane Live 2025》演唱會。

2月中華納show，Dear Jane主唱黃天翱（Tim）與陳蕾打頭陣。

2月中，華納人齊開show，為《KATCH OUR LIFE: WARNER! GO!》落力演唱。