送貨員涉殺3歲女案 錄意訊息中死者稱「爸爸我唔鍾意罰企」 其後看到父親眼神已驚恐

37歲送貨員向坐月女友淋潑通渠水令對方多處燒傷，2020年中出獄後連番虐待近3歲女兒，涉嫌多番猛烈搖晃對方致腦出血死亡。無業漢早前承認虐兒罪，惟否認謀殺罪受審。女友今於高等法院交代死者「同我一齊都唔喊嘅」，而被告要人「完全聽佢話」。庭上播放錄音訊息，死者曾稱「爸爸我唔鍾意罰企」，被告指死者「由朝喊到黑」，女友指死者後來「無厘啦更喺度喊」，因為當時死者「見到（被告）一個眼神已經驚喇」。

死者向被告稱「爸爸我唔鍾意罰企」

被告案發時女友、死者母親梁小欣今續以視像方式作供，高級檢控官林曉敏主問下，梁小欣提到死者當時經常受罰，被撞頭、抽腳、淋冷水等，最常被罰站，死者「成日都覺得唔知做乜要罰」。梁小欣交代2020年4月到5月曾於被告父母顯徑邨居所居住了約1個月，林曉敏引用梁小欣與被告的WhatsApp訊息，庭上播放錄音訊息，死者曾向被告稱「爸爸我唔鍾意罰企」，被告回覆指「好肯定係你教」；被告另指死者「喺爺爺度（顯徑邨居所），唔可以由朝喊到黑，冇一日冇喊」，梁小欣今否認死者一天到晚都在哭，解釋只是哭得比人多。

被告要人「完全聽佢話」

梁小欣曾發訊指「你淨係一味諗住要點樣制服佢」，梁小欣今解釋被告要人「完全聽佢話」，2人同居時被告本來要制服自己，「家暴我、困住我、整爛我鍾意嘅嘢、嚇我令我信服佢⋯⋯逼你就範聽佢話」，接回死者同住後，被告便改為要制服死者。後來WhatsApp訊息中，梁小欣發訊提到死者「無厘啦更喺度喊」，今解釋因為當時死者「見到（被告）一個眼神已經驚喇」，擔心受罰。

女友稱被告對女兒不懲罰時「又攬又抱」

梁小欣交代死者除了遭被告懲罰時候之外，其餘時候可以與表親等小孩一同玩耍，因此於顯徑邨居所生活愉快，惟期間一度攜女離家出走，搬回深水埗居所。庭上再播放錄音訊息，2人一同錄音，梁小欣問「係咪掛住爸爸呀？」死者答「係呀」，梁小欣指「咁你咁樣點算呀？成日喊⋯⋯」再連番提問「可唔可以唔喊呀？」、「得唔得呀？」死者不情願地低聲答道「嗯」、「得」。被告曾發訊指「總之佢有承諾唔喊先好返來（遷回顯徑邨居所）」，梁小欣當時回應「應承咗好多次啦」，今解釋指因為「佢同我一齊都唔喊嘅，有咩好喊」。林曉敏問道到底死者喜不喜歡被告，梁小欣指「一半一半，唔罰佢嗰陣都鍾意爸爸嘅，唔罰佢嗰陣（被告）又攬又抱」。

被告：「小朋友係同狗仔一樣咁教」

母女離家出走數日間，死者有天發脾氣尿床，當天被告發訊「成日話我鬧」，梁小欣反駁指「我有鬧佢我有罰佢」，被告遂指「小朋友係同狗仔一樣咁教」，其後又指「打到你飛天呀屙尿」。

女友指被告要女兒聽話順從否則「就冇爸爸」

梁小欣5月13日在顯徑邨住所看到被告「整個女」，欲向被告父母告狀時，遭被告「搵我入房打我幾鎚」，遂再漏夜攜女搬回深水埗居所。梁小欣供稱「如果要同佢一齊，（死者）就要乖唔准喊」，解釋「只能夠揀聽話順從，一係就冇爸爸」。梁小欣交代父女其後關係日漸嚴峻，被告不再合作教導死者，愛罵便罵，結果死者開始不喜歡被告，「成日匿埋喺我度，成日跟喺我後面」。審訊明續。

現年42歲被告劉佳坪被控於2020年7月29日在香港，謀殺梁雅思。

案件編號：HCCC61/2022

法庭記者：陳子豪