周潤發宣傳新片再咀鄭裕玲 發嫂睇得好開心？發哥曾爆掛Do姐多過掛老婆
2025-02-12 19:01
周潤發與鄭裕玲（Do姐）是香港影視黃金時代的經典搭檔，兩人自1970年代末起多次合作，二人演技自然又有默契，成為觀眾心中的「香港初代經典熒幕情侶」。二人合作多部影視作品例如《網中人》、《親情》、《我愛扭紋柴》等，非常深入民心。今日（12日），有網民在小紅書上發佈了一條鄭裕玲YouTube頻道「The Do Show」的短片，當中周潤發與內地演員王寶強、劉昊然現身為電影《唐探1900》作宣傳，與鄭裕玲老友鬼鬼的周潤發一見面就熱情獻吻，二人互動十分自然。
周潤發熱情獻吻鄭裕玲
今日（12日），有網民在小紅書上發佈了一條鄭裕玲YouTube頻道「The Do Show」的短片，並留言：「周潤發親親鄭裕玲，邊個嘉賓咁為食，之唔係發哥囉😂佢話要請寶強同埋昊然試下香港地道美食，想知發哥嘅絕密推介同埋我哋今次傾咗乜？就要留意THE DO SHOW！仲有記得2月13日去戲院支持《唐探1900》！」影片中可以看到身穿橙紅色圓領衛衣配黑褲的鄭裕玲望著眼前擺滿美食的桌子驚喜地說：「嘩！咁多嘢食，邊個咁為食啊？」隨後同樣身穿橙紅色衛衣的周潤發出鏡，說：「我囉，得唔得啊？」，更在鏡頭前親吻了鄭裕玲的臉頰，而鄭裕玲亦十分自然地扶著對方的手臂坐下並說：「得！但係你同我兩個邊食到咁多嘢啊」，周潤發便回答：「我請咗《唐探1900》兩個拍檔嚟，自己介紹自己」，其後內地演員王寶強、劉昊然就出鏡並站在一左一右作自我介紹，齊齊為電影宣傳造勢。
相關閲讀：鄭裕玲周潤發激罕合體肉緊咀嘴掀集體回憶 少女心大爆發宣布進軍YouTube
周潤發鄭裕玲互動CP感爆棚：
周潤發與鄭裕玲被視為「香港初代經典熒幕情侶」
其實周潤發與鄭裕玲一直被視為「香港初代經典熒幕情侶」，二人早年在劇集與電影中都拍過不少吻戲，如1979年在《網中人》中首次以情侶形象演出，劇情中程緯（周潤發飾）與方希文（鄭裕玲飾）歷經波折，在關鍵情感轉折處有不少親密互動。其後二人陸續以情侶姿態演出多部電視劇和電影，包括《親情》、《鱷魚潭》、《火鳳凰》、《花城》、《八星報喜》等等。當中不得不提於1981年6月29日首播的《火鳳凰》，周潤發在劇中飾演大毒販的養子倪駿，跟鄭裕玲飾演的大律師養女董舜華撻着，二人有不少熱吻場面，十分激情！而早前鄭裕玲為打響頭炮搵來周潤發做首集「The Do Show」嘉賓，二人在鏡頭前一見面即頭貼頭向打招呼，再互錫對方的臉頰，接着兩人更互咀，相當老友鬼鬼！之後鄭裕玲表示當日咀嘴是即興而為，之前沒有商討「夾定」，而她又表示當日發嫂其實在場，更看得十分開心。
周潤發表示掛住鄭裕玲
鄭裕玲當時更大爆發哥的「方法演技」，鄭裕玲表示：「你已經係用方法演技，點樣方法演技呢？我都唔知嘅，原來你做嗰個程緯，嗰陣時係興用wallet，你冇同我講嘅，入面你擺咗一張我同你嘅相。你又冇同我講到，有一日就唔知點樣拍外景，點解咁樣嘅？（發哥：每日都對住你）。係啦，呢個係乜嘢嘅方法？」周潤發竟然在鄭裕玲耳邊輕聲說：「我掛住你，掛多過老婆！」
相關閲讀：渣馬2025丨周潤發跑友團大有來頭！曾奪金像獎令人震驚 凍齡男星夫婦跑贏後生仔
文念中親自操刀為周潤發拍片：
最新回應