黃婧靈考獲催眠治療師否認轉行 36E「無綫咪神」有腦有身材丨獨家

「無綫新一代咪神」黃婧靈(波波) 憑住36E Big爆身材火速上位，獲不少宅男追捧。剛踏入新的一年，考獲註冊催眠治療師牌嘅的波波堅持要持續進修，再讀專啲。雖然有不少網民留言指做催眠治療師好過做藝人啦，但她卻拍心口解釋不是要轉行：「只係希望能相輔相乘幫到拍戲，令形象多元化。」 採訪：方騫平

黃婧靈清純學生妹look仍有吸引力。

波波有樣有腦有身材。

波波城大畢業，𠵱家持續進修。

波波相當好學。

着露肩裝咪書。

波姐豐滿身材好搶FO。

26歲黃婧靈早年主持《後生仔傾下偈》時，被曾總(曾志偉)點名表示欣賞，有不少工作機會的她，之前在旅遊節目《冲遊泰國10》中大解放，性感水著放題晒「胸器」，大派福利睇到觀眾心心眼，連男主持胡慧冲在拍攝時也因此仆親受傷。

波波有強悍「胸器」。

之前在旅遊節目《冲遊泰國10》中大解放，搞到胡慧冲都仆親受傷。

波波做咗冲女郎。

波波早年主持《後生仔傾下偈》時，被曾總(曾志偉)點名表示欣賞。

已成為流量密碼的波波坦言是開心的：「之前喺台慶有機會扮靚及跳舞，見IG突然多咗好多人追蹤及關注，每次出相佢哋熱烈討論，感覺幾得意，所以會勤力啲出po及上片。」波波坦言不會介意畀身材搶了Fo：「當中有啲網民係會關注我嘅身材忽略咗我才藝；亦有因為身材留意埋我嘅工作及正能量，我明白每人都有佢言論自由，有好有唔好，但我仍然會做好我自己。」她又表示，其實由跌斷腳後仍負傷為台慶練舞，甚至穿着18cm的高踭鞋在台慶行紅地氈及同一班女仔一齊表演跳舞，終於挑戰成功真的有好大成功感。

台慶當晚波波的性感舞衣加埋撩人舞姿，十分養眼。

台慶當晚身穿超低胸魚尾晚裝的波波成為TVB小編焦點。

波波好惹火。

性感美女。

台慶落力演出。

波波側身都好Big爆。

黃婧靈(波波) 憑住36E Big爆身材火速上位。

波波獲不少宅男追捧。

波波大派福利睇到觀眾心心眼。

網民遐想被催眠

 

回顧過去一年，波波形容發生的事不多，但每件對她都有好大影響：「去年8月不慎碌落樓梯，跌斷咗3條腳骨，用咗兩個月時間康復，但期間keep住安全開工，台慶每日練舞5小時，感覺呢一年自己成長及克苦耐勞咗好多。」2016年在城大畢業的波波，去年年尾趁有時間自我增值考取了註冊催眠治療師牌，但她解釋為興趣並非轉行：「我希望呢樣技能可以同演藝工作相輔相乘，令形象多元化及帶出新鮮感，有相關嘅嘢就會諗起我覺得我適合，遲啲再讀上去。」對於無限遐想的網民留言「好想被你催眠！」波波坦言實習時有催眠人及被催眠，她大笑糾正道：「不過，一個人喺催眠狀態下仍然能控制到自己言行，唔會亂嚟㗎。」

波波在網上晒4張考取的催眠治療師牌證書。

波波專業證書。

波波傷癒後終於除腳套喇。

波波在《後生仔傾吓偈》中行為出位、大膽談性事，成為新一代「性女」。