駱振偉驚訝姜濤專登睇訪問認識自己 與黃奕晨太熟變嗌交式度戲丨獨家

駱振偉（Thor）、黃奕晨（Dixon）和鍾卓穎（Ash）在Viu劇《無用的謊言》合作，Thor演Dixon胞兄，又是Ash的經理人，而Thor和Dixon因太熟，度戲時太直接講，好似嗌交一樣激烈。3人角色跟姜濤關係密切，他們大談跟姜濤合作感受，Thor估不到姜濤竟會專登睇訪問來了解他。採訪：杜杜 服裝: ALLSAINTS HK(Thor+Dixon)、Maje(Ash)

Thor、Dixon和Ash有合作過做主持，但這個組合演戲是首次。

Thor、Dixon和Ash有合作過做主持，但這個組合演戲是首次。

Thor、Dixon和Ash有合作過做主持，但這個組合演戲是首次。

Thor和Dixon是多年老友，但是首次合演親兄弟，Dixon最初好難接受，「佢個鼻好高，我個鼻好扁，父母點解可以生成咁？！不過我哋班朋友中，佢都似大哥哥咁，我都好易投入到。」由於他們太熟，度戲時會好直接講，在外人眼中卻變成不和，Dixon說：「有時我哋會傾好耐，幕後會話『你哋兩兄弟唔好嘈交』，又真係似兩兄弟喺度鬧交。」Thor說：「死囉！我真係唔覺得嗰啲叫鬧交。」

40歲的Thor新一年希望有更多演戲機會。

35歲Dixon希望未來能兼顧主持和演戲。

26歲Ash，入行3年還想嘗試更多不同類型工作。

靠《海派甜心》打開話題

3人中，Dixon角色跟姜濤關係最差，要經常勒索對方，但私底下卻跟姜濤最熟，「拍《考有Feel》時熟咗，所以可以好放心，就算我去得去盡佢都會明白，我哋未埋位仲會坐喺度一齊煲《繁花》。」演天后歌手「夏欣」的Ash，劇中跟姜濤是好拍檔，還會單戀對方，但本身跟姜濤只見過幾面，最初都好擔心，「好彩爭取到空檔傾兩句，我哋細個都好鍾意睇台劇，我鍾意楊丞琳，佢鍾意羅志祥，傾《海派甜心》都勁多嘢講，由最初對手戲有少少陌生，後尾佢都好照顧我。」

Thor和姜濤劇中關係似親兄弟，有不少對手戲。

Thor、Dixon和Ash的3人同場戲不多。

Ash劇中要單戀姜濤，兩人成功靠台劇打開話題。

Thor自言跟姜濤都是「Ｉ」型人格，劇中關係如親兄弟，最初也顧慮演得不似，唯有主動跟對方多溝通，傾談多了令他更能體會對方感受，「畢竟我同佢年齡差一截，差啲生得佢出，佢係偶像中偶像，都好奇去認識佢，聽佢講啲分享都感受到佢嘅壓力，佢真係好努力、勤力，付出100%，但面對嘅嘢越多，唔係個個承受到，都會戥佢辛苦，叫佢要放過吓自己，我都話發生喺我身上嘅話，可能我死咗啦！」他最驚訝姜濤也有努力搵方法去了解他，「佢真係唔係好認識我，拍咗幾日嘢，佢竟然話『我睇咗你嘅訪問』，我話咁畀面，佢話『原來你結咗婚，係新秀，有唱歌㗎』，佢有睇我訪問呢單嘢係有趣。」

Thor開心去年有份參與電影《破地獄》。

Dixon向來瞓身主持，《狗仔隊亂入Seoul》着女裝屬小兒科。

Ash感恩去年因「P1X3Lx5G」有機會拍團綜又開騷。