Edan跨界執導新歌《純銀子彈》MV 被花姐叫唔好做幕前 擔當導演感得意：有世界被我掌控嘅感覺

呂爵安（Edan）聖誕節為樂迷送上親自作曲的《純銀子彈》，歌曲MV更由他首次親自執導，一手一腳包辦整個視覺與聽覺上的創作。彈琴向來有一手的他，原來今次是首次作曲：「一路講咗好耐，好想實現呢件事，前排有啲靈感，寫咗幾個chrous出嚟，send俾身邊人聽，大家聽完覺得幾好聽，唔錯，甚至花姐都話叫我以後唔好做幕前，唔好唱歌做幕後啦，所以出首自己寫嘅歌，係一個幾得意嘅契機。」

Edan執導MV 過程充滿懷疑

Edan今次更首次執導MV，「以往作品都有好高參與程度，俾好多意見，或者拍攝上有乜嘢意見都會表達，但真係自己由零開始參與，度好晒每一個shot，呢個真係第一次嘗試。」成為MV導演的他有很大感受，笑言以前一嗌cut，就可以坐喺側邊㩒手機，但今次要長期坐喺mon壇睇住，他亦發現這崗位有一定難度：「我可能腦海中覺得係咁樣，但原來喺現場係有好多限制做唔到某啲shot，剪接上你可能以為得，但身邊人話你知咁樣會好跳，究竟係咪呢？又冇得即刻試，所以呢啲時候就會不斷question不斷懷疑，導致有啲時候要拍定多啲shot，拍定返去再揀再剪，始終唔係好firm好sure，但呢個始終係一個過程、一個經驗。」

Edan首次親自執導歌曲MV。

Edan彈琴了得，原來今次亦是他首次作曲。

Edan指前排有些靈感，寫了幾個chrous，大家聽完都覺得不錯。

Edan更指擔任導演後，笑言花姐尊敬了自己好多。

Edan表示花姐不斷叫他導演。

Edan更指執導MV的過程充滿懷疑。

Edan指做導演要一路在mon壇睇住，又要思考剪接上問題，非常之大的考驗。

Edan又表示擔當導演好得意，因為有世界被我掌控嘅感覺！

Edan又要演又要導，真係小啲心神都搞唔掂！

Edan在MV中飽受煎熬。

Edan好享受做導演

雖然有一定的難度，但Edan仍十分享受做導演，他說：「做導演好享受就係，自己可以參與到個作品，未知成果自己滿唔滿意，但過程一定有個滿足感喺度，同埋花姐尊敬咗我好多，今日對我嘅態度係好服從我，會不停講：『導演點呀？』佢乜都問我意見，有世界被我掌控嘅感覺、平時冇乜呢種感覺，所以係幾得意嘅一個體驗。」