黃凱芹揭被雪3年黑暗史：雞飛狗走愧對兩老 與杜自持開作品展互數臭脾氣丨獨家

63歲的黃凱芹(Chris) 曾「被退休」，2002年重返樂壇後Keep住出歌及開騷，最近他接伍仲衡棒出任《中年好聲音》評審，明年初他將會跟音樂人杜自持舉行4場作品展。一向好有態度的Chris堅持要做些有誠意的project，做壞招牌寧願唔做，所以當年唔肯出改編內地作品唱片慘遭雪藏3年。Chris自揭1995年人生低潮時「雞飛狗走」血淚史：「好似生意失敗咁愛賣屋，帶住兩老同隻貓，面懵懵重返青衣舊居，連愛犬都被逼送埋俾人。」 採訪：方騫平 髮型：Paul Chow at I I Salon 化妝：keikei 服裝：Rainbow

被指有老態的黃凱芹搞笑回應：「演唱會都35周年啦，仲以為我係BB就有問題啦。」

Chris唔後悔當年嘅執着。

Chris好有性格。

Chris唔想打爛自己嘅金漆招牌。

黃凱芹將於明年1月2-5日假西九文化區戲曲中心大劇院舉行4場《黃凱芹X杜自持音樂會》，高唱杜自持為他改編的《My Baby》、《再戀》等作品。Chris形容他倆關係由盲婚啞婚到相敬如賓，再演變成終生伴侶，合作會有火花。

Chris合作得最多的音樂人，杜自持是其中之一。

黃凱芹將於明年1月2-5日假西九文化區戲曲中心大劇院舉行4場《黃凱芹X杜自持音樂會》。

黃凱芹及陳奐仁接伍仲衡棒出任《中年好聲音》做評審。

內地巡演後怪責導演

Chris憶述兩人36年的緣份：「新人時代監製由寶麗金操刀，杜自持為我寫咗首《世紀終曲》，坦白講當時唔覺得有咩驚喜，因為佢唔太了解我風格，貿然寫歌係有啲難，我覺得首歌較啱陳百強唱，直到第3唱片《短篇小說》，大家開始有啲認識及有要求；2002年開始仲做埋我個唱音樂總監，由磨合變熟習對方長處。」

當年Chris是青春偶像DJ，繼而出碟。

當年余劍明係黃凱芹拍檔。

今年6月Chris做佛山巡演獲多年老友周慧敏力撐。

62歲黃凱芹被指面容鬆弛兼皺紋滿面，老態盡現。

2006年《星島頭條》影到Chris帶住兩名混血男童現身愉景灣。

他更大爆杜自持以前好有藝術家脾氣：「佢要求好高，見證過佢綵排時發火，就算對住資深音樂人都好嚴厲，搞到我都有啲驚…」Chris曾向杜自持重提舊事，杜自持卻不執輸「提」返Chris：「佢話我，當年對住導演講『唔好再同我講呢啲嘢喇！』哈！係咩？其實佢眼中同我眼中，大家都係有要求。」時至今日，杜自持向Chris表示已戒了鬧人；Chris卻保持態度：「好似最近內地巡演咁，我需要企定定集中精神唱好嗰段，點知個導演不停喺耳機提我要走位，完騷後我好嬲話『我知要配合燈光效果走位，但我有分數啦。』我知道自己應該做啲乜唔做啲乜。」

2002年Chris回歸香港樂壇舉行首個個唱。

2002年11月黃凱芹《Unforgettable演唱會》。

《All My Loving》大碟廣告2003。

2003年4月張敬𥮀音樂會，Chris任嘉賓。

2003年10月容祖兒個人演唱會上和黃凱芹大跳辣身舞，攬實祖兒大髀。

黃凱芹2004年演唱會。

2005年黃凱芹、田蕊妮合演音樂劇《白蛇青蛇──蛇影初現》。

2006年12月李彩華及黃凱芹雙雙到大西洋城演出。

2013年展開一連兩場《黃凱芹再遇伊利沙伯演唱會2013》。

2014年黃凱芹到新城宣傳Hi Fi大碟《Kings Cross天王時期》。

2015年11月黃凱芹聯同二胡王子王憓，於香港大會堂音樂廳舉行《此時情音樂會FEELINGS ENSEMBLES》音樂會。

2018年11月黃凱芹唱片《十里春風》封套由他親自設計。

2021年7月一連三場《聽。黃凱芹2021》演唱會在戲曲中心大劇院開鑼。

2021年11月參與《寶麗金50週年演唱會》。

2022年9月黃凱芹假紅館舉行《細聽‧黃凱芹35周年》演唱會。

2023年3月擔任好友呂方演唱會嘉賓。

人生經歷添作曲靈感

長居加拿大的Chris返港開騷，原則是要省靚招牌：「𠵱家我係退休歌手，偶然出現一次都做得唔好會好礙眼，開騷要有Point及獨特，畀到觀眾新鮮感及火花，只係為錢而做就唔會有下次。」而他的堅持多年不變：「當年由寶麗金轉投飛圖，因為《晚秋》爆紅，經理人想我出一張碟，全部改編內地嘅作品，但我係創作歌手，怕會有反效果，因而同公司抗衡被雪長達3年，期間冇任何演出，甚至冇版稅、寫歌及唱片收入。」Chris形容當時好落魄：「3年時間太長，換言之即係玩完，好似生意失敗咁，由事業高峰期到打回原形，最慘零收入仲要養家，自己經已係有頭有面公眾人物好難轉行，唯有賣走供緊嗰層康樂園，送返父母返青衣舊居住！冇咗前後花園，連沙皮狗都要送埋畀朋友，只能留住隻貓，唉！真係雞飛狗走呀！」當時留在香港的Chris冇工作又出唔到街，搬返舊屋街坊鄰里又有閒話，雖然曾透過劉美君搵律師爭取過，他記得當年每次上去見律師也要花幾千，笑言也不知是否要多謝劉美君，但用了一大筆，沒錢燒銀紙，最後認輸意興闌珊頹走加拿大，離開傷心地：「好記得有次冬天接父母過嚟生活，但佢哋唔適應背脊生凍瘡要走。」事隔多年，Chris對已故雙親依然心存愧疚：「最大感觸係人生轉折嗰幾年，我唔止令佢哋擔心，更影響到佢哋嘅生活質素，儘管7年後有機會回歸香港樂壇開騷，可惜爸爸已離世，只得媽媽睇到，所以每次唱《我的爸爸》都有好大感觸。」不過，Chris表示不後悔：「呢啲係天意，如果當年平平無奇接受咗個project又未必係好事，走咗一轉，後期嘅創作加添咗人生經歷。」

Chris因為《晚秋》爆紅。

在加拿大的生活日常。

周圍去食好西。

黃凱芹居住在加拿大。

Chris長居加拿大3000呎深山大屋。

閒時最愛煮食。

深山家居亦曾出現6呎高的黑熊。

又有4隻浣熊。

仲有小鹿斑比。

屋內竟有雀巢。

媽媽見證不到Chris重返樂壇後的發展。

當時「生意失敗」Chris，只能帶埋小貓重返舊居。

當年好似生意失敗咁頹喪。

1990年當紅的Chris是劇集《戀愛快拍》男一。

黃凱芹、周慧敏在內地有好多fans。