星8卦丨「大眼」撻著「情聖」最錯被「辣婆」夾埋阿太玩謝坐冷板

有時真係要睇自己好唔好命，尤其係老細緣。「大眼」咪係超級唔好彩，唔知點解同「辣婆」唔投緣，可能係因為唔識做，冇送貴嘢迎合佢嘅貪心啩。

相關閱讀：星8卦丨「細細」為家計捱苦老竇唔同情 揭發真正身世情緒崩潰

「大眼」都唔係特別搵到，花旦仔又冇乜代言，所以喺公司得個做字，最唔好彩係撻著「情聖」，條友係女都啱，合作一個食一個係慣犯。「大眼」見人靚仔有型仲有老婆，所以當培養戲入面嘅感情畀自己放縱一下，點知「辣婆」 同「情聖太」係閨蜜，當日為咗幫老公上位，都放咗好多血㗎，所以「辣婆」決定要幫阿太報下仇。

相關閱讀：星8卦丨「純情」靠「才子」上位 苦忍爛滾行為一招從此收服浪子聽話

最簡單方法係叫樓下啲𡃁放風話佢同「情聖」撻著，仲要係自己主動，所以畀人一種好淫蕩嘅形象，之後仲幫佢搵翻啲舊情史，全部一個模式就係姣婆。大家見「辣婆」出手咁狠，於是搵人出面調停，點知佢真係好老實咁同「大眼」講，因為最憎小三，所以一定要整死佢，唔會畀運佢行，所以唔會再畀任何工作機會放生佢。

相關閱讀：星8卦丨「整容」送外賣送到嫁人生仔   「小明」無懼被嘲笑娶妻一家和睦

「大眼」可能 一直被打壓，所以EQ勁高，對住「辣婆」講乜都冇表情，反而越令「辣婆」 上頭，好彩「大眼」都叫有天份又勤力，近期又可以蒲番頭，睇嚟要等一向橫行嘅「辣婆」冇咗權同勢至有翻生機會。