久別重逢｜鄭伊健命犯天煞孤星受邀拍愛情片感詫異 陳卓賢自嘲似蘇昇華︰乜都唔識
2024-12-20 18:45 
《久別重逢》今日（20/12）公映，該奇幻愛情電影是由鄭伊健、MIRROR成員陳卓賢（Ian）、柏安妮女兒許恩怡及蔡思韵主演。電影公司今日中午預售星期日（22/12）導演梁禮彥、陳卓賢及許恩怡之謝票場，所有場次均於半小時內爆滿。
謝票場30分鐘內「斷飛」？
《久別重逢》的人物「蘇昇華」代表很多男生追隨夢想的一面，陳卓賢於電影公司今日首度發佈的製作特輯中表示︰「我覺得世界上每一個人，總有一個咁嘅少年蘇昇華存在喺個心入面，憧憬未來。」陳卓賢以自己的視覺向觀眾透露角色背景︰「蘇昇華係一個好喜歡音樂，同好似淨係識音樂，又唔識其他嘢嘅男孩，十分不善言辭。」鄭伊健飾演成年版「蘇昇華」，成長後終日鬱鬱寡歡。鄭伊健透露起初接到《久別重逢》的拍攝邀請大感驚訝，笑言︰「拍愛情故事？唔係吖嘛，真係搵我拍愛情故事？」導演梁禮彥透露，鄭伊健是不二之選，他說︰「其實蘇昇華呢個人物，我必需搵一個善良嘅男歌手，加埋佢要具備童真，所以呢兩個條件伊健都好適合。」
相關文章︰久別重逢｜拆解5大打卡場景 由香港小店、長洲到四國神社 兩代男神鄭伊健、陳卓賢穿越尋初心
《久別重逢》一場重要場景，鄭伊健、陳卓賢兩個「蘇昇華」因緣際會下重逢，陳卓賢表示跟對方首度同框演出卻充滿默契，他表示︰「有一場戲係大家jam歌，幾有默契，我哋冇夾過邊句係你唱，邊句係我唱，但係大家自自然然，投入咗去劇情入面，就有火花產生出嚟。」
最新回應