私家車甩「貓」 車Cam直擊兩貓車尾墮地 網民因一理由無怪罪司機｜Juicy叮
2024-12-19 13:15 
車輛甩轆意外偶有發生，但「甩貓」意外卻罕見。有車Cam短片近日拍攝到馬路上驚險一刻，粉嶺一輛在馬路上行駛中的私家車，車尾突然先後掉出兩隻貓。
樓主早前在facebook群組「車cam L（香港群組）」以「比亞迪（電動車）你跌咗兩隻貓」為題緊張發帖，上載一段長約25秒的車Cam短片，片中見到私家車先後兩次「甩貓」。
私家車甩「貓」逐張睇 ＋ 網民眼定定回應↓↓↓↓
兩貓先後從車尾掉落馬路
兩隻貓先後從車尾掉落馬路，其中一隻在馬路中心疑似打滾，在路上折騰一輪後，向鏡頭左後方跑去；另一隻墮地小貓更是在馬路上亂竄，進退兩難下慌不擇路地走向路旁花槽。
兩隻貓仔生死未卜，回應的網民對牠們的墮地都感到相當驚訝與肉赤，但大都因為一個理由而沒有怪罪司機。
私家車甩「貓」逐張睇 ＋ 網民眼定定回應↓↓↓↓
網民疑兩貓在車底取暖
本港近日天氣轉凍，網民意識到在私家車上「甩」下的貓——「似取暖貓」、「嗰兩隻貓係咪去咗車底取暖」、「會唔會係喺車底取暖嗰啲貓仔」，於是認為「咁呢樣嘢真係無得怪佢（司機）嘅」、「未必關車主（司機）事喎，佢又唔係開門掉出」、「就咁睇唔一定關佢（司機）事，天氣凍，啲貓會匿入啲車度瞓」。
於是有網民作出具建設性的提議：
•「借此提醒各位車主出車之前敲一敲車身，我自己習慣會響一下咹先著車」、
•「陰功，天氣凍咗，好多貓貓會去車底度搵位保暖。大家出車前要拍打下車身，確保冇毛孩先好開車」、
•「個司機明顯都唔知，天氣凍啲貓就最鍾意喺架車底度瞓覺，所以成日都話記得拍一拍車頭同車尾」、
•「應該流浪貓仔，希望佢無事。希望各位車主開車之前留意下會唔會有小動物捐車底瞓覺」。
私家車甩「貓」逐張睇 ＋ 網民眼定定回應↓↓↓↓
網民：行咗一段距離先跳出車
樓主並無提及事發地點，網民於是提問「邊區？？最好標明地方，讓義工或者有心人去找找貓貓，他們就算沒有立刻出意外落在道路上也十分危險，分秒必爭救援」，有人認出現場位置上載地圖，並指「睇落去呢度似沙頭角公路蜆殼油站逸峯對出」、「但粉嶺呢段路都應該行咗一段距離佢先跳出嚟」。
另有人好奇「問題係佢電車有乜咁暖？」，回應的網民解釋「無風吹已經差好遠啦」、「摩打有熱力，冇引擎咁熱，不過電車冇油車咁污糟」、「有瓦遮頭，可以避風雨，已經相差好遠」。
網民祝福兩貓平安
不少網民都關心到「兩隻貓仔而家點呀」、「睇到驚心動魄。陰功，離開原居地仲要喺大馬路中心跌落車......祝福貓貓平安，平安，平安。多謝呢位（後上的）司機慢駛，保護到第二隻落地貓安全跑到路邊草叢，祝福兩貓平安」。
私家車甩第二隻「貓」逐格睇↓↓↓↓
其他動物相關閱讀：
沙田驚現「蝙蝠餅」 一家18口葉下排方陣 網民：似一排大閘蟹
屯門街頭奇景 激罕近鏡拍攝到呢種生物 網民：以為係膠袋
荃灣麗城花園4蝠臨門爭食賀年桔 街坊爆料：蝙蝠曾入屋宿一宵
慈雲山蝙蝠倒掛鐵閘 網民神預言：呢家人會發達
大批龍友湧長洲捕捉一罕見生物 網民：嗰隻XXX真係吸引
賀「斑鳩生蛋」 網民自爆貓頭鷹抽油煙喉破殼出世奇聞
出齊架生湧屯門良景邨 逾百龍友球場排兵列陣 原來影呢樣嘢......
拍友大埔「曬長鏡」 網友：唔知以為飛虎隊捉重犯
排山倒海捕捉醉美秋色 流水響「疊羅漢」嚇壞網民
馬騮仔殺入走勻半個將軍澳 爬渠上樓 當街搶走阿婆呢樣嘢......（附遇猴自保8招）
逾百鷺鳥聚將軍澳草地 集體做一事 街坊：今次係所見數量最多
網民報喜有雀2年3次窗外築巢 被選中可能因為呢個原因
金鐘上空群雀亂舞 惹天降異象地震先兆憂慮 網民笑看風雲......
一樹麻雀密密麻麻網民嘆為觀止：麻雀嘅旺角
錯認同類？ 維園上空航拍機與鳥共舞
港公路驚現兩流浪牛MMA 激戰畫面罕見 塞兩線司機睇到咔咔笑
野豬橫行西貢營地竟做出這種事...... 露營少女嚇壞躲帳篷吹哨子求救
野豬馬拉松？ 驚險跑康山馬路險捱撞 網民流口水：好生動的午餐肉
最新回應