油麻地棺材車大戰的士 爆粗互罵連環閘車玩急停 網民：果然生人都好多地獄｜Juicy叮
2024-12-18 13:34 
有油麻地殯儀公司的靈車（俗稱棺材車），與的士疑因cut線問題起衝突，雙方互爆粗後，在馬路上大戰，靈車疑連環閘車大玩收油急停。
涉事的士的車cam影片，記錄全過程如下：
生人都要破地獄？油麻地棺材車大戰的士 爆粗互罵連環閘車玩急停：↓↓↓↓
有網民在「車cam L（香港群組）」FB專頁上載有關車cam影片，事發地點估計近啟德一帶。片段開頭，見到的士駛至一個燈位路口，靠左的靈車這時打燈正欲cut線向右駛，的士即時急煞響咹。的士司機這時向靈車司機怒喝：「你識唔識打燈呀！你轉彎識唔識打燈呀？！」
靈車司機亦怒斥：「你咁Ｘ急，趕Ｘ住去邊Ｘ度呀？」的士司機即以粗口回應：「Ｘ你老母ＸＸ，落車呀，Ｘ頭！」靈車司機亦以粗口回應：「Ｘ你老母ＸＸ，做乜Ｘ嘢！」
這時的士開車駛走，影片聽到司機似向車上乘客大呻：「Ｘ你老母ＸＸ，自己cut埋嚟，仲咁話人。」「燈都唔打，以為靈車惡晒！」
同場加映：紅磡靈車違泊殯儀館門前被抄牌 有司機爆月食「牛肉乾」40次：↓↓↓↓
未幾，靈車由右面駛至，並爬頭駛在的士前面，的士司機即時大嚷：「好！得啦！」並大喊靈車的車牌號碼。靈車這時突然收油慢駛，其後又再正常速度行駛，疑似在玩「閘車」，的士司機即時說道：「玩嘢，玩嘢。」
司機這時不斷自言自語：「影到，影到，等收信啦。」未幾，靈車又再突然收油閘車，的士司機怒斥：「仲玩嘢！」之後，靈車再有數次收油閘車，的士司機卻未有被激怒，只暗示會利用車cam片向警方舉報：「嗱，佢前面無車嘅，佢係到玩嘢！影到晒你啦，得啦。」「依家仲要係到玩閘車。」「係啦，危險駕駛啦，send去交通部得啦！」「佢已經危駕㗎啦，依家由佢。」
「望到架靈車都要篤油衝埋去」
網民熱議事件，認為雙方駕駛態度都有問題，「兩個都要告」，「果然生人都好多地獄。」
不少人從車cam片中看到靈車有打燈才cut線，但有網民則指出，打燈後「要入人條線都要有安全距離，同人哋減速先可以cut入去」，「一打燈就cut線，咁同無打有咩分別？」有網民又指：「（靈車）都係不小心駕駛。但之後cut雙白，逆線，重brake，雙黃停車就危險駕駛。」
網民亦批評的士司機的駕駛態度，「人哋有打燈！轉彎位，人哋冇可能離遠就睇到你，但你就加速，篤油，玩人，仲要講粗口鬧人。佢之後係『玩』你，嚴格來講係『玩返』你。五十步笑百步，完。」
網民又指同靈車爭路，不好意頭：「生人唔阻死人路呀。」「望到架靈車都要篤油衝埋去......都唔知用咩詞語形容。」「呢啲車好心就畀佢行先啦，貪老黎咩。」
同場加映：紅磡殯儀館罕有公開請人 每週返一日 開價「咁多」 網民：比想像中低：↓↓↓↓
最新回應