媽妹笑住唱 Part II丨肥媽提《中年好聲音》感觸落淚 黑妹在拉姑面前自爆曾鍾意謝賢 嫌開兩場騷唔夠喉

肥媽、黑妹昨晚（14日）在灣仔新伊館舉行「媽妹笑住唱 Part II」演唱會尾場，吸引胡楓、羅蘭、薛家燕、姜大衛及太太李琳琳、賭王四太梁安琪、陳展鵬夫婦等也前來捧場，謝霆鋒及伍仲衡夫婦亦送上花籃，而身為譚輝智歌迷會永遠榮譽會長拉姑狄波拉，亦有到場欣賞為演唱會擔任嘉賓的譚輝智。

謝霆鋒送上花籃。

邵美琪亦送上花籃。

拉姑開心支持！

薛家燕、賭王四太梁安琪都有前來睇騷！

姜大衛及太太李琳琳。

胡楓、羅蘭

肥媽與黑妹以「馬姐Look」出場。

胡楓、羅蘭睇得好開心！

拉姑狄波拉偷笑！

肥媽與黑妹換民族服裝唱《夜來香》。

之後，肥媽、黑妹落台唱歌，觀眾紛紛送上利市。

觀眾非常窩心！

羅敏莊任表演嘉賓。

羅敏莊在台上與黑妹「爭仔」。

羅敏莊搞笑問黑妹初戀係幾時。

黑妹笑指自己17歲生仔，唔好問初戀係幾時。

台上播出黑妹年輕時的相。

黑妹好後生啊！

黑妹全白造型，夠晒charm！

肥媽獻唱《Big Spender》！

肥媽好有氣勢！

肥媽透露老公不讓她着低胸衫，因不想別人看到老婆個胸。

肥媽的家人！

肥媽大曬與已故老公的結婚照。

肥媽唱出連串英文歌表示是紀念老公。

肥媽一家人好溫馨。

肥媽提起《中年好聲音》時感觸落淚 。

肥媽表示《中年好聲音》帶畀參賽者好多希望。

現場播出肥媽在各地拍的奇怪名字店舖照片。

有「餃嘢」。

肥媽、黑妹越唱越強。

肥媽、黑妹真係咁多年都咁合拍。

羅敏莊專誠泰國返港做嘉賓

肥媽與黑妹以「馬姐Look」出場，唱出《媽妹嘜歌》、《啼笑姻緣》及《舊歡如夢》等經典歌曲，當兩人提到當年的男明星時，肥媽指一直也鍾意胡楓，黑妹則表示鍾意謝賢，肥媽即叫黑妹問台下的拉姑，更笑說：「黑妹話鍾意四哥喎，連拉姑都飛佢啦，靠唔住嘅！」，搞到台下拉姑狂笑。肥媽與黑妹換民族服裝唱《夜來香》，隨後又落台唱歌，觀眾即拉着兩人影合照外更紛紛送上利市。擔任嘉賓的羅敏莊在台上與黑妹「爭仔」，黑妹則突然發台瘟在台上狂笑，然後羅敏莊問黑妹初戀是什麼時候，搞到黑妹笑說：「我17歲就生仔，唔好問我初戀。」在兩人唱《初戀》時，台上播出黑妹年輕時的照片，她亦感激羅敏莊專誠從泰國返港做嘉賓，又指適逢今年是入行50年，開心可以和肥媽一齊開騷慶祝。

肥媽與黑妹跟一眾嘉賓合唱《Monica》。

家燕姐都有上台。

肥媽錫修哥。

羅蘭姐都有上台。

視帝陳展鵬都有現身！

肥媽與黑妹坦言開兩場唔夠喉。

問到黑妹入行50年有什麼慶祝活動，她就表示很開心肥媽畀機會做呢個騷。

黑妹、肥媽表示不會退休！

肥媽爆老公唔畀着低胸衫

肥媽在唱完《Big Spender》後表示想起老公，她指老公不讓她着低胸衫，因不想別人看到老婆個胸：「但佢又好鍾意睇人哋個胸，有張老公唔俾登，話睇到個波。」之後她唱出連串英文歌表示是紀念老公，當她提到《中年好聲音》時也感觸到喊，指這節目能帶比大家好多希望，令到人有第二個機會。現場又播出肥媽在各地拍的奇怪名字店舖照片，包括「餃腩店」、「餃阿婆」等，兩人笑言都好耐冇搞過，肥媽更表示「子宮都割埋點搞？」完場時，肥媽與黑妹跟嘉賓合唱《Monica》時，眾人邀請一眾睇騒藝人、朋友上台跳舞，當中以胡楓、薛家燕及拉姑跳得最勁，而最好笑的是譚輝智本來站在台的右手邊，最後被推到去左手邊拉姑身邊。

肥媽讚嘉賓們有義氣

完騷後，肥媽與黑妹表示開兩場不夠喉，完全不夠門票，到騷前仍有人問拿飛，問到會否開part3，肥媽就指黑妹每次也是自把自為，訂了場才通知她。提到黑妹入行50年有什麼慶祝活動，她就表示這個騷，也很開心肥媽畀機會她，而兩人亦表示不會退休，因會易老及病。

對於剛才黑妹在拉姑面前表示喜歡謝賢，肥媽即說：「我咪話佢傻囉，人哋拉姑都撇咗四哥，你仲行埋去？」又指要很感激四位嘉賓，因為他們推掉其他工作也要來，而且更沒有跟他們談價錢，大讚他們有義氣，又謂走埠的時候也很想帶他們，不過很貴。至於提到《中年好聲音》時感觸到喊，肥媽指33歲時也是因《I Who Have Nothing》這首歌做到歌星：「將我成個家庭、經濟變好，變到我而家17個孫都養得起，同埋你睇吓而家佢哋個成就，就係因為佢哋參加比賽，所以我真係好鍾意《中年好聲音》呢個節目，係俾到人有第二個機會。」