我要讚佢｜4歲女童八號波下街頭暈倒無呼吸心跳 屯門長者中心職員爭分奪秒救回一命

適當時候遇上適當的人，不但拉你一把，甚至救你一命。本港一名4歲女童今年9月在八號風球懸掛期間，突然在屯門一間長者日間護理中心對開街頭暈倒，一度失去呼吸脈膊，徘徊生死邊緣，女童母親及救人職員事後受訪講述「黃金救人5分鐘」的驚險過程，中心職員感嘆「好感觸，原來有時別人出一出手，真的可以救返一條命。」

4歲斐斐在今年9月摩羯帶來八號風球那一日，突然暈倒，情況急轉直下。(受訪者提供)

斐斐喜愛繪畫。(受訪者提供)

斐斐會送贈畫作予喜歡的人。

斐斐是媽媽的心肝寶貝，女兒突然暈倒，一度令媽媽不知所措。

長者日間護理中心護士Mandy(左)、斐斐媽媽(中)及中心保健員Kristy(右)憶述當日「黃金救人五分鐘」的事發經過，慶幸及時救回斐斐。

出事前曾發燒 情況急轉直下

斐斐原本是一名健康活潑的小女孩，之前亦無任何大病，但在9月5日颱風摩羯升級至「八號波」期間，突然在鬼門關走過。斐斐媽媽憶述，當日下午4時許在沙田探望嫲嫲後，便乘車返回屯門友愛邨單位，斐斐已有發燒迹象，要抱着她回家休息，直至途經仁愛堂吳偉光紀念長者日間護理中心對開時，媽媽發現女兒出現不尋常異樣：「突然佢攬住我後想跌落去，我以為佢同我玩緊，仲話你抱住媽咪呀，你唔抱住會跌落去，叫佢兩次都無回應……係咁叫佢，佢都無反應畀我，擘大隻眼講唔到嘢回覆唔到畀我。」

事有湊巧，由於懸掛八號風球，中心保健員Kristy正準備提早為關門做準備時，望到事主母親抱着女兒驚慌失措一幕，主動上前表示可幫助，隨即檢查斐斐身體狀況﹕「妹妹隻手垂晒落嚟，一打開佢個口罩，發現佢已經反晒白眼，成塊面同咀唇變紫色，無晒心跳。」事發突然且情況急轉直下，有急救經驗的Kristy隨即將女童平躺地上，然後施心外壓急救。

斐斐恢復心跳後，被送上救護車。（受訪者提供）

斐斐媽媽回憶起女兒突然暈倒並失去心跳那一刻，眼淚忍不住流出來。

斐斐媽媽稱女兒暈倒前曾發燒。

斐斐媽媽對女兒失去脈膊心跳一度驚惶失措，只能不斷呼喚「BB起身啦！」

斐斐媽媽說到傷心處落淚，獲職員安撫及遞上紙巾安慰。

黃金5分鐘救治成功恢復心跳

Kristy一邊進行心肺復甦，一邊大叫同事代為報警及召來護士支援，大約5分鐘後，斐斐才逐漸恢復心跳，再由駐中心護士Mandy透過儀器檢查心跳及血壓，期間一直為她戴上面罩提供氧氣，逐步提升血氧飽和度，待至救護車到場再送院，各人才敢放鬆緊張心情。Kristy分享﹕「佢上到救護車就覺得ok，總之佢有呼吸嗰一刻，已經好開心……因為妹妹係我人生中第一個搓得返救得到嘅人，我之前做老人院，發現老人家時已經走咗。」

斐斐留醫5日接受觀察後，獲准出院回家休養，斐斐康復後更親自畫畫送給職員道謝。直至近日，斐斐和媽媽再親自上門向中心職員道謝，感激他們仗義幫忙。

「真係好感激佢哋嗰刻幫忙，始終都係因為有姑娘，先會有阿囡康復呢一日，講句唔好聽，好難先有今日，所以我都想佢親自對住姑娘講聲多謝。」斐斐媽媽稱。

斐斐日前到訪長者日間護理中心，贈送畫作予幫助她的職員，並親口答謝他們。

姑娘們均希望斐斐日後平安是福，健康成長。

斐斐感謝護士Mandy救助，親自上門贈送畫作及道謝。

斐斐不但拾回一命，還收獲一班「大朋友」。

斐斐媽媽帶同女兒親自上門道謝。

仁愛堂認為個案正好反映消防處「AED睇得到用得到」計劃應推廣至其他地點或機構，以便更多有需要人士能獲得幫助。

事隔兩個月，斐斐由當日面色發紫到今日回復活蹦活跳，Mandy感嘆地表示﹕「我係媽媽的話，可能我當刻反應除咗驚就係大嗌。如果唔係有人幫手，其實都可以肯定個結果係好差好差……所以好感觸，有時真係別人出一出手，真係可以救返一條命。」

事發當日，中心職員一度推出AED機待命，仁愛堂負責人透露各服務單位已配合消防處「AED睇得到用得到」計劃裝設相關儀器，希望藉着今次個案向公眾推廣，將計劃拓展至其他地點或服務機構，把握黃金時間內拯救患者。

--------------------------