得寵先生丨鄭丹瑞入行被嫌戲屎耿耿於懷 邀劉家豪睇新戲自我「平反」

鄭丹瑞（旦哥）、盧慧敏（Amy）主演的溫暖小品電影《得寵先生》上映第二周，好口碑不絕。昨日（7日）旦哥好友連炎輝包場，邀請資深電視劇監製劉家豪與太太梅小青、盧敏儀、羅蘭、余慕蓮、吳麗珠、譚玉瑛、黃允財、李隆基、杜燕歌等老友記捧場。

鄭丹瑞因被指「戲屎」放在心10年

開場前旦哥親自招待並入場謝票，更表示要為自己平反：「今日好多前輩嚟捧場，最開心見到劉家豪先生和小青姐，我同家豪哥有段恩怨，所以特別點名邀請佢嚟睇戲。話說我入行喺『麗的電視』接到一個劇本《新大丈夫》，演林嘉華細佬，當時由劉家豪編導，我拍咗三集之後冇再接到劇本，劇組話我太高、『麗的』布景太矮，成日穿崩，我信咗！」旦哥追問後真相大白：「佢哋話：『劉家豪話你啲戲屎呀！』呢件事擺咗喺度幾10年！」

《得寵先生》上映第二周，大獲好評。

旦哥獲好友連炎輝包場，邀請一眾好友睇戲！

連炎輝與Amy Lo。

現場好多觀眾。

連炎輝包場，果然與旦哥好好老友！

資深電視劇監製劉家豪與太太梅小青都有到場。

盧敏儀都有撐場。

鄭丹瑞指曾被劉家豪嫌「戲屎」，令他耿耿於懷多年！

劉家豪在位上大叫「平反」！

劉家豪大叫「平反」

劉家豪則在觀眾席上鬼馬大叫「平反平反」，果然散場後劉家豪大讚：「阿旦真係一個勵志故事，當年表現得唔好，但佢發憤圖強，天天向上，到《得寵先生》我折服，佢嘅演出令我歎為觀止，完全唔係以前鄭丹瑞嘅演法，唔會覺得佢係鄭丹瑞，只覺得佢係『佳叔』。佢犧牲好多，佢對狗狗有敏感，我都經歷過，佢能夠跨越呢關去演『佳叔』，下咗唔少苦工，衷心祝福《得寵先生》大賣！」

此外，Amy昨日與導演兼編劇李志偉參與由「香港盲人輔導會」舉辦「口述映像」場次，她全程閉目，透過耳機聽專人口述，期間多次抹眼淚，事後坦言感官更敏感和細膩，更感動。