跑步｜林穎璋出戰福岡國際馬拉松 2小時15分31秒完成刷新香港紀錄
2024-12-02 12:33 
香港跑手林穎璋 (Vincent)於星期日(12月1日)出戰日本福岡國際馬拉松，以2小時15分31秒完成，排名16，同時刷新香港紀錄。舊紀錄由黃尹雋創造，他在在2023年9月在柏林馬拉松以2小時16分22秒完成。今次福岡國際馬拉松，黃尹雋以2小時23分59秒完成，排41位。冠軍是日本跑手吉田祐也，他以2小時05分16秒贏得賽事。
27歲的林穎璋今次刷新香港紀錄，他表示好開心可以來到日本福岡，同亞洲區最高水平選手一同競技：「今次能夠破到香港紀錄做到呢個時間，對我嘅意義好大，雖然做唔到我預期比較高嘅目標，我都畀我自己今次嘅成績 120 分。」
為了今次比賽，林穎璋準備大半年，好專心為這場賽事做足準備：「過程係幾辛苦，尤其我一路以來都係一個人練，無一個實體教練或者隊友，所以今日做到呢個成績我都好滿意。去到十公里，甩咗同自己一齊跑嘅集團，無人同我一齊跑，都有啲孤獨感，但係我決定就算一個人跑都要繼續向前，先至有今日呢個成績。」
林穎璋表示，對於準備馬拉松的選手嚟講，香港訓練環境未必非常理想，尤其係夏天天氣方面，但係他都可以做到今次成績，想借此鼓勵其他香港運動員都可以做到。
「好感謝我嘅品牌贊助同經理人 nick，可以令我無後顧之憂咁專心訓練，仲有屋企人，一路以來我決定做全職運動員，雖然唔會搵到好多錢，但係都好義無反顧咁支持我，可以畀我專心去做我自己做得最好嘅嘢，做到極致。仲有就係我嘅教練 Rory ，雖然只係遙距教練，但係佢總能夠就住香港嘅環境訓練，畀最好嘅 program 我，可以發揮到我最大嘅 potential，我好期待以後可以同 Rory 一齊 Achieve 到更多。 Rory, You are the Real Man!」
完成賽事之後，林穎璋表示最想食燒肉，好好休息。之後，最大目標係下年亞洲馬拉松錦標賽，希望可以再次入選代表香港隊參賽：「我希望可以跑入 2小時10分的世界，係一個好重要的里程碑，因為代表香港運動員可以真正同亞洲其他國家或地區如日本、中國、台灣睇齊。」
另外，多名港將也前往日本參加日本體育大學第318回長距離競技會。陳偉聰出戰男子5000米第27組，跑出14分35秒37，刷新本來由謝俊賢保持的香港紀錄（14分37秒14）。黃啟樂也在5000米跑出個人最佳時間，以15分11秒99完成賽事。謝俊賢出戰男子10000米賽事，以30分0.65秒排第6，刷新自己保持的30分26秒51的香港紀錄。
最新回應