張達倫要向劉德華學chok爆步姿 被捕獲「頽爆街坊」look需檢討丨獨家

46歲張達倫自兩年多前離開TVB後試了好多新嘗試，除了拍VIUTV劇《出租大叔》外，還跳入影壇參演《出租家人》、《武替道》等，達倫最開心有機會跟超級偶像劉德華拍《焚城》，對他讚不絕口：「華哥個人好NICE，我反而想見識佢喺片場鬧人，咁證明我經常拍到佢嘅電影。」 採訪：方騫平

張達倫轉戰影壇求有更多機會。

張達倫近年試新嘗試。

張達倫感受到原來拍電影是另一個世界。

張達倫坦言現階段不講錢，機會比錢更加重要。

張達倫近年試新嘗試，原來拍電影是另一個世界，要把握僅有的時間內，細緻地投入角色：「每個階段都係學習過程，感覺好好玩。」他坦言現階段不講錢，機會比錢更加重要，有好的作品錢就會搵到我哋去。

電影《武替道》中，張達倫與劉俊謙展現兄弟情深。

VIUTV劇《出租大叔》口碑好。

拍VIUTV劇《出租大叔》好有新鮮感。

感激獲毛姐賞識

入行20年的達倫最感恩獲「恩師」毛姐（毛舜筠）的厚愛：「當日學毛姐節奏拍《畢打自己人》，佢好鍾意我嘅演出，仲向高層推介話『呢個演員好好，要留意下佢。』直至回復自由身後就欽點我演電影《過時.過節》，當正我係『細佬』咁。」

毛舜筠64歲生日，《畢打自己人》演員為陳茵媺、徐榮、趙希洛及張達倫為她慶生。

張達倫、陳茵媺、徐榮、趙希洛玩得好開心。

當年跟毛舜筠拍電影《過時.過節》。

毛舜筠視張達倫如弟弟。

而他最興奮能夠和偶像劉德華拍《焚城》：「華哥係我細細個就鍾意到不得了嘅偶像，10幾年前我係TVB嘅MV王子，曾被安排拍華哥《累鬥累》MV，當日我同華哥提返時，佢都有啲印象，覺得我有啲熟口熟面，仲話要搵返出嚟重溫一下。」達倫眼中的華哥既nice又叻：「就算劇組對佢肅然起敬，但佢好識得令人放鬆啲，會主動同人交談，讓大家好快投入返喺角色中，仲會同劇組一齊食飯講笑話。（有冇見佢喺片場鬧人？）冇喎，哈！我都想見下，代表有好多合作，當然，我都有向華哥自薦啦。」

達倫和妻兒跟劉德華合照。

一家3口好溫馨。

另外， 達倫早前頭髮凌亂、髮線上移兼滿面鬚根的「頽爆街坊」look被網民捕獲，他直認好失策：「唯一一次唔梳頭出街就俾人影到，事後都有俾經理人教訓，提我就算行實力派都要注意返形象，唔好咁坦蕩蕩，即使日後街坊裝都要戴返頂帽...」達倫笑言要自我檢討及向華哥學習：「我鍾意咗佢咁耐，都學唔到偶像（chok爆）嘅步姿，所以要畀啲心機，要學多啲，包括形象上。」

早前達倫被網民捕獲頭髮凌亂、髮線上移，滿面鬚根嘅「頽爆街坊」look。

網民留言。

達倫係型男。

同男神梁朝偉相遇。

達倫拍《白色強人2》，在郭晉安身上得益良多。

陳豪係達倫老師之一。

跟陳煒拍過《深宮計》。

和蘇玉華拍《平安谷》。