李幸倪第一次在香港迪士尼城堡獻唱 興奮稱有做公主受萬人敬仰感覺
2024-11-26 16:45 
李幸倪（Gin Lee）早前到香港迪士尼樂園演出「迪士尼聖誕音樂Live！」節目，她與香港兒童合唱團在奇妙夢想城堡演唱多首經典歌曲，並跟米奇與好友，以音樂為賓客送上祝福。
李幸倪迪士尼獻唱試了十多條裙？
李幸倪分享道：「可以喺奇妙夢想城堡表演好夢幻！成件事好靚，加埋一啲effect、煙花效果、燈光，全部都係非常之華麗嘅畫面。我見到嚟睇嘅觀眾，無論大朋友定小朋友，佢哋都充滿喜悅，我覺得好開心，好榮幸有呢一次嘅機會可以同一班迪士尼朋友一齊表演。」
李幸倪當晚以紫色low cut晚裝裙配上一頭金色長髮現身，原來為了這次演出，她事前已試了十多條裙，「服裝上面花咗好多時間，試咗差唔多十幾條裙。之前大概知道成個setting係點樣，目標係想好完美咁融入成個setting。呢條裙無論顏色同cutting都好配合成個主題，加埋化妝、髮型同埋accessories全部都花咗好多心思去配搭，出嚟嘅效果都好靚，自己都好開心。」又笑說：「感覺好似完成咗我想成為公主嘅願望，哈哈！」
最新回應