51歲黎瑞恩憶做豪門少奶鬱出重病！拍拖時戀情已被反對 傳前夫出軌致離婚
2024-11-24 18:25 
90年代玉女歌手黎瑞恩當年出道備受寶麗金力捧，從《發誓》、《一人有一個夢想》到《愛你這樣傻》紅遍K場。不過黎瑞恩在事業如日中天之際，突然與金利來集團主席曾憲梓的兒子曾智明結婚，婚後退出娛樂圈照顧家庭。可惜這段婚姻丈夫在內地工作，在聚少離多的情況下，在2014年宣布離婚，黎瑞恩獨力照顧一對仔女。
黎瑞恩對離婚一事未感後悔
結束了這段豪門婚姻後，黎瑞恩的生活並不如意，雖然老爺曾憲梓曾叮囑兒子要安頓好黎瑞恩的生活，不過黎瑞恩曾有段時間一度鑽進牛角尖而患上抑鬱，到了2015年更發現胰臟生了兩個1.5cm的腫瘤，當刻她決定不做手術並以「過一日、賺一日」心態生活，最後腫瘤離奇地消失，亦令黎瑞恩釋懷，悟做人最重要快樂與放得開。黎瑞恩日前接受YouTube「豐陳三俠」的訪問，對於離婚，黎瑞恩說：「我冇後悔。」
相關閲讀：黎瑞恩母女照罕曝光21歲女星味濃！曾嫁入豪門離婚患抑鬱 生瘤竟奇蹟痊癒
黎瑞恩悟做人最重要快樂與放得開：
黎瑞恩性格爽朗拒絕拖泥帶水
黎瑞恩日前接受周國豐、陳淑蘭和陳淽菁的YouTube Channel「豐陳三俠」的訪問，黎瑞恩坦言是愛情飲水飽，多年來為愛情的最大犧牲，黎瑞恩說：「咪唔唱歌囉，嗰陣我冇考慮，我個人係好得意，選擇咗做就即刻去做，要斬就即刻斬，我唔會拖泥帶水諗一大餐。」對於當年與曾智明離婚，黎瑞恩說：「我冇後悔，其實你行人生每一段路，都係你自己揀，咁你自己揀咗，後悔都冇用，你都冇得返轉頭，咁我唔使後悔喇，我生咗兩個咁得意嘅BB，我好開心。」黎瑞恩還說：「我成日都覺得，上天係安排咗一條路畀我哋行，所以我冇後悔，就算係離咗婚，咁我咪又唱返歌，又做自己鍾意做嘅事，其實都好開心。」
黎瑞恩認離婚是人生最低點
黎瑞恩亦覺得自己的人生很如意，不過問到離婚是否人生最低點，當日又如何面對時，她說：「其實都算係低點，但係我好快決定要退出呢段關係，因為我本身唔可以接受呢件事發生，唔好嘥時間喇，我哋做得幾多年人？我都咁多歲，仲有幾多年可以玩？唔好搞咁多嘢，唔開心咪拜拜。」黎瑞恩還稱當日決定離婚，曾有人勸她會「失去一切」，她直言：「冇咪有囉，我本來就係無一物，未結婚嘅時候，我都係自己賺錢。」
相關閱讀：黎瑞恩21歲女兒隨時入行？為媽咪演唱會做嘉賓 盡得真傳仙氣爆燈
黎瑞恩高顏值子女：
黎瑞恩與曾智明拍拖遭曾憲梓反對
黎瑞恩在1996年與富商曾憲梓三兒子曾智明拍拖，當時有傳一度遭曾憲梓反對，黎瑞恩2002年嫁入豪門，終於被兩老接受。育有一女一子的黎瑞恩專心相夫教子，可惜至2014年親證離婚，並獨力撫養子女。有指離婚後，曾憲梓曾叮囑兒子要安頓好黎瑞恩的生活，亦定期帶一對仔女上廣州探望當時在養病的前老爺，可見關係相當融洽！不過當時傳出男方「偷食」，搭上比黎瑞恩細廿載的少女，最終離婚，黎瑞恩在訪問中只稱當時與前夫關係不和，時時吵架，兩人曾挽救這段婚姻，曾為了對方嘗試改變，但都無能為力，過一陣子又故態復萌。
黎瑞恩離婚後曾鑽進牛角尖
黎瑞恩離婚後曾有一段時間鑽進牛角尖，不能自拔兼患上抑鬱，她亦承認也有心有不甘的時候而看心理醫生。在2015年在街上暈倒，證實患有胰臟瘤，難以切除，黎瑞恩曾說：「呢個病係鬱出嚟，醫生要我快樂啲。」最後黎瑞恩選擇以「過一日、賺一日」的心態去生活，甚至每天都以「我今天要過得快樂」為目標過活，黎瑞恩覺得「其實一個人嘅壓力，都係自己畀自己，唔關單親唔單親」，她亦笑言雖然沒有大筆贍養費，但指前夫對他們很好，十分照顧，也多謝他，與前夫依家關係良好：「人生在世係求啲乜嘢？就係為咗快樂，我每天都要快樂。」
相關閱讀：50歲黎瑞恩一家顏值超高 18歲兒子外型高大 女兒得媽咪真傳隨時準備入行
黎瑞恩女兒遺傳媽媽好歌喉
黎瑞恩的女兒曾凱栭（Sheree）和曾浩儒（Tyrone）在中學畢業後，去了澳洲升學。轉眼間大女今年已經21歲，小時候的Baby fat不見了，在上月黎瑞恩的演唱會上，黎瑞恩與女兒以孖妹形象驚喜現身，跳足全場。曾凱栭現在變得眼大鼻高面尖尖，星味直逼媽媽。小恩子曾指女兒從小已很獨立，10歲前教識女兒各種自理能力，亦遺傳了媽媽的好歌喉，試過在IG開live唱歌，聲線溫柔甜美，黎瑞恩曾表示不反對女兒入行，但要先完學業：我都有同佢講行呢條路一啲都唔易，仲解釋清楚畀佢知要面對其他人嘅批評。雖然佢係鍾意唱歌，但唔代表佢會做到。如果佢真係做到嘅話，咁我就冇辦法啦！」
最新回應