TVB台慶｜顧紀筠後台「鬧仔」？「風少」陳浚霆記性差過阿媽 安德尊搭嘴被樊亦敏寸爆
2024-11-20 18:00 
【TVB台慶／萬千星輝賀台慶2024】電視廣播有限公司（TVB）《萬千星輝賀台慶》將於今日（11月19日）晚上假將軍澳電視廣播城隆重舉行。為慶祝踏入TVB 57周年台慶，今年的主題是「同一家人，與你前行」。今年TVB邀請顧紀筠、林曉峰回歸與汪明荃、鄧梓峰、陳貝兒、麥美恩、朱凱婷等任司儀，久未現身TVB的顧紀筠與繼子「風少」陳浚霆的互動成為焦點。
TVB台慶｜薛家燕身家豐厚想中獎
TVB娛樂新聞台在台慶後台開直播讓藝人與網民互動，中段可見「風少」陳浚霆與《愛·回家之開心速遞》的幾位演員，包括樊亦敏、呂慧儀、張景淳等站在一起，在後台看電視關注抽獎結果。身旁的安德尊及薛家燕亦有受訪，當薛家燕被問及想不想中獎時，她表示：「我企定喺度嚟攞利是喇！」不過安德尊卻搭嘴表示：「你咁富貴仲要……」樊亦敏都為薛家燕出頭，「你唔好理啦，安德尊！你夠多地啦！」連薛家燕都點頭，似乎好同意樊亦敏的說法。安德尊避談自己富有，反而笑指樊亦敏「多嘢講」，連陳浚霆都出聲質疑安德尊欺負《愛回家》團隊，後台即使充滿爭吵聲。
相關閱讀：TVB台慶｜逾20位藝員缺席！兩女星要安胎 陳自瑤李佳芯炎明熹無影
TVB台慶｜顧紀筠與繼子陳浚霆後台互動：
TVB台慶｜顧紀筠路過勸交
顧紀筠這時路過加入訪問，氣場強勁的她說了一句「唔好鬧交啦」，陳浚霆即時找繼母安慰：「頭先好驚呀……情況好危急呀！」不過顧紀筠笑指：「佢（陳浚霆）係咪曳呀！我帶佢返屋企！」陳浚霆被顧紀筠拖出鏡頭外，陳浚霆更擔心顧紀筠被其他人撞到，一直用手護着對方，非常乖仔。顧紀筠指多年未回TVB做司儀，見到很多老朋友感到很開心，又希望大家要多多教導陳浚霆，而陳浚霆則表示：「我好醒定呀！」顧紀筠表示：「我喺屋企教唔到佢，你哋多啲幫我教佢。」另一個「阿媽」樊亦敏更有些呷醋：「頭先我跌親佢冇扶我，我已經覺得佢……」陳浚霆即「補鑊」表示好內疚，被樊亦敏爆陳浚霆一直在電視城到處找顧紀筠合照而「忽略」了她。
相關閱讀：TVB台慶｜台柱司儀今年無影行蹤曝光 另覓好友北上玩樂 多位新舊TVB藝人現身
TVB台慶｜顧紀筠突然變「鬧仔」
而顧紀筠亦對繼子有所不滿，事關顧紀筠與陳浚霆開始就是否已拍合照一事而爭拗，樊亦敏好奇問道：「其實你兩個影咗相未呀？」但陳浚霆卻表示未影，即被顧紀筠反駁：「影咗喇！影咗喇！影咗喇！」陳浚霆問何時拍的，顧紀筠指：「我搵返出嚟畀你睇。」陳浚霆轉數極快表示：「未呀！你著呢套（晚裝）未影呀！」顧紀筠亦難以再反駁，母子互動搞笑。
顧紀筠再婚對陳浚霆視如己出：
TVB台慶｜陳浚霆獲同事力撐乖仔
陳浚霆獲多位藝員同事在顧紀筠面前力讚乖仔，呂慧儀即時衝前爭住向顧紀筠「做證」說：「我做證明，佢真係好乖㗎！日日喺廠都好乖，返工又準時又做晒功課。」樊亦敏也指陳浚霆的父母教得好，非常孝順，陳浚霆笑言同事說的都是真話，強調自己沒有被湯盈盈「帶壞」，場面爆笑。
相關閱讀：萬千星輝賀台慶2024丨「大粒癦」廖駿雄兒子領獎爆喊 廖家爵早前喪父：我知你會睇到
TVB台慶｜顧紀筠晒母子照
顧紀筠今日（20日）亦在IG上載昨晚在TVB台慶後台拍攝的照片，留言表示：「相隔20年，昨晚『回家』參與主持TVB萬千星輝賀台慶，相見很多台前幕後的老朋友，非常熱鬧開心！TVB Happy Birthday!!」貼文可見她與汪明荃、陳貝兒、車婉婉、劉曉彤、謝雪心、周奕瑋及「福祿壽」三子阮兆祥、王祖藍、李思捷的合照，當然亦不少得與繼子陳浚霆留影紀念。不少網民看到她回歸TVB做大騷司儀都表示掀起不少回憶。
陳浚霆也在IG分享與顧紀筠擺Pose的影片，留言指：「A moment to remember 難得在公司，同一個地點，同一個時空工作，相隔20年你回來，今年也是我入行的第10個年頭，好值得紀念，你喺我心目中永遠都係Number 1，永遠都係Number 1 的司儀。」激讚顧紀筠的主持功力。
其他文章：
TVB台慶｜82歲盧海鵬現身台慶騷 屢傳病重開金口唱《幾許瘋語》 即場試咪掀起高潮
最新回應