張馳豪新歌反應佳 現身各大應援點感謝大家支持 視粉絲為家人見證成長

張馳豪（Aska）剛推出了全新單曲《宇宙逃生口》，獲得媒體一致推薦，不單止打進了各大電台排行榜，本星期更成為了新城電台勁爆本地榜冠軍。當Aska知道《宇宙逃生口》有此佳績時表示，非常感謝大家的支持，「今次《宇宙逃生口》可以攞到好成績我十分開心，呢一首歌又係玩咗一啲平時廣東歌好少聽到嘅曲風，可以將我平時聽開嘅音樂類型變成自己嘅創作，再分享畀我嘅樂迷，係我作為唱作人好享受嘅事。」

Aska親到金鐘地鐵站廣告牌打卡。

Aska得到粉絲們的應援支持，好開心！

Aska對住自己嘅廣告牌打卡。

Aska對住自己嘅廣告牌打卡。

旺角大型billboard都有Aska嘅廣告。

Aska粉絲應援

Aska巴士應援

Aska巴士站燈箱

除媒體推薦外，Aska同時也得到粉絲們的應援支持，在旺角的大型billboard、巴士站燈箱和巴士車身賣廣告外，更租用了金鐘地鐵站內靠近前往南港島線，左右兩傍的連續多塊廣告牌為Aska助威，Aska說：「每次見到粉絲對我的支持真的既開心又感動，所以昨天我特別嚟到金鐘站呢度打卡，其實我係有啲感觸嘅，因為我嘅粉絲真係對我好好。呢班fans有好多都好似我嘅屋企人咁，不離不棄，見證住我一步一步嘅成長。好多謝佢哋冇放棄過我，同埋喺我最低落嘅時候畀咗力量我。」他續說：「希望係嚟緊 2025年可以繼續突破我嘅框框，帶嚟更加多有突破性嘅作品比大家聽到。同時應該都有機會拍劇，大家可以期待一下。」