七師傅提點43歲唐詩詠欲拒還迎：太專一受傷都係自己 認過去多情敵爭仔

43歲前TVB視后唐詩詠（Natalie）情路坎坷，至今仍未能脫單。最近唐詩詠與練美娟（娟姐）主持的網上節目《絲打圍爐》邀請了七師傅做嘉賓，由七師傅贈兩句「醒」唐詩詠催旺桃花運。節目開始時七師傅送運程書畀兩位主持測試她們的性格，期間奀瘦身形嘅唐詩詠大力搶書，七師傅指呢種女人好專一，會咬住個男人一世都不願放手，因而忍唔住給予詩詠，不論做人做事，甚至對待感倩事嘅錦囊，提醒她要有小小冷傲唔好咁進取，最重要學會吊人胃口：「做女人絕對唔可以好似你咁專一，越緊越捉不住，要欲拒還迎，因為太專一最終受傷都係自己。」師傅乘機追問詩詠：「你有冇受過傷呀？」詩詠也坦言：「當然有啦。」

七師傅接受唐詩詠與練美娟主持的網上節目《絲打圍爐》訪問。

唐詩詠大力搶七師傅手上嘅運程書。

詩詠以為係交下戲，原來七師傅做緊測試。

七師傅教唐詩詠要有矜持。

做女人太專人最終受傷係自己。

七師傅讚詩詠係古時西施。

可惜西施命運好慘。

還追問唐詩詠係咪有好多情敵同佢搶？

唐詩詠直認以前係有。

仍係單身嘅唐詩詠求七師傅指點迷津。

師傅又指唐詩詠樣樣都要完美，係古代四大美女西施，可惜西施命運都慘，有好多女人跟她搶男人，對此，詩詠也直認不諱說：「𠵱家冇男人就冇人爭囉，以前係有人爭。」七師傅指她要做好多嘢才催到個好男人出來，詩詠無奈道：「其實我只係要求人品好。」豈料師傅卻打沉她說：「冇好男人，只係喺爛橙度揀隻冇咁爛就算，只要佢對你好，好關心你，真心付出，大家好夾，開心就算，世事有好多變化，唔好諗長遠。」

2005年唐詩詠跟崔建邦傳緋聞。

2013年唐詩詠因拍攝劇集《載得有情人》而與同劇的洪永城撻著，其後兩人正式公開戀情。

唐詩詠與洪永城曾有一段美好時光。

可惜在2017年5月唐詩詠含淚宣布分手。

2018年底，唐詩詠與有「補習界王力宏」之稱的陳思銘傳發展姊弟戀，可惜後來遭二人否認。

唐詩詠與陳思銘曾在社交平台先後分享同一地點拍的照片，疑似外出拍拖。

唐詩詠慶祝41歲生日的時候，爆出有猛男作伴疑脫單。

唐詩詠身邊猛男（左二）正面曝光，同行仲有另外兩位男友人一同慶生。

唐詩詠曾撓實「翻版崔建邦」合照，仲坐正「女主人」位置，隨即傳新戀情曝光！ ​

唐詩詠曾與緋聞男友伍允龍聚餐，唐詩詠曾澄清兩人只是好友。

練美娟追問七師傅，從面相點睇係好男人樣？七師傅笑說：「好多男人會扮單純，原來係毒蛇，所以要做多啲測試。」師傅還提供「媾仔」心得：「男人大部份都係鹹濕，太猴擒一嚟就去九龍塘咁就要觀察下，可能佢一心想玩下就算；亦有可能佢十年都冇掂過女人就會咁猴擒，故要考佢智商，睇佢整體評分...」七師傅還搞笑對唐詩詠說：「但你最終命運要去一次九龍塘，因為個男人等唔到，你都要畀啲甜頭佢，逼得太緊佢就去深水埗『一樓一』，物極必反，係要中庸之道，要彈性處理，咪去行山、曬下太陽、做下運動囉...」

唐詩詠有吸引力。

周潤發與一眾粉絲跑手熱情合影，見到唐詩詠就在身旁。

發哥好錫詩詠。

發哥視詩詠係妹妹。

唐詩詠所開設的吐司專門店，早前正式開始試業。

唐詩詠的吐司店開業不久，已十分旺場。

唐詩詠在IG亦有分享整麵包。

東面喜位容易懷孕

另外，觀眾追問七師傅蛇年適宜買樓定買股票？七師傅認為兩者也不宜投資：「因為金融海嘯就嚟到，而且樓市未跌完，最好反而係買金，但要睇位入市。」至於催旺桃花大法？師傅建議家中東南西北每個方位都要擺鮮花助運。同時，東面係喜慶位，想有喜的可以多留東邊，會容易突然懷孕。

蛇年運程書蟬聯暢銷榜榜首。

七師傅蛇年運程書推出簽名版一天，就賣出1千本。

去年的運程著作都掀起搶購潮。

七師傅龍年運程書都大賣。

七師傅喺馬場大受歡迎。

喺七師傅加持下拎埋莎莎盃。

經過七師傅和出賽馬匹 「溝通」過後，「竣誠駒」爆冷勝出爆冷勝出。

七師傅的3000呎西貢獨立屋好架勢。

七師傅保險箱內的金條只係冰山一角。

七師傅家庭事業都如意。

七師傅教大家將負能量掉入大海。

七師傅被封「深水埗觀音」，定期在街頭派物資幫助基層市民。

七師傅覺得與劉玉玲的嘴、眼、髮型、面形都似。

今年7月，七師傅曾短期出家，在尼泊爾落力行善。