陳蕾慘遭咪stand 撼崩牙 被Jeffrey寸老：我小學睇亞洲星光大道 洪嘉豪唱歌太投入甩嘴
2024-11-17 15:10 
陳蕾、洪嘉豪及魏浚笙昨晚（16日）在亞博舉行音樂會，3人不時獨唱和合唱演繹多首歌曲，而陳蕾也大騷才藝又彈結他又與洪嘉豪一起彈琴，而洪嘉豪唱《遊戲.遊戲》咆哮完後甩咀，之後他與Jeffrey合唱新歌《我感覺到》，而Jeffrey亦唱出新歌《孤獨美食家》。3人其後又唱又跳，雖然Jeffrey一向不擅跳舞，但明顯進步了不少。
隨後他們又坐在電動行李箱上唱，當Kaho情深地問陳蕾「去唔去？」，但被陳蕾以「Never」拒絕，Jeffrey就玩爛Gag說：「Never say never Justin Bieber！」Encore時，Jeffrey著上黑背心出場騷麒麟臂，令全場依哇鬼叫，搞到Kaho也忍不住摸，也叫他示範健身動作。Kaho之後表示他與Jeffrey拍戲的時候，經常唱謝霆鋒與陳奕迅的歌曲，又指兩人年紀需相差7年但口味一樣，Jeffrey之後唱出陳奕迅的《1874》，唱完後，陳蕾說：「好呀，養眼！」而Kaho就笑說：「難得咁多肉喺個mon！」
3人閒聊時，陳蕾指自己是輩份最高，之後問Jeffrey幾歲看自己唱歌？Jeffrey即說：「小六，亞洲星光大道，我睇亞視。」而Kaho就反問陳蕾當時「眼影點樣化，髮型點樣set？你有時幾靚，但係有時幾醜樣，你而家有呢個外表真係奇蹟！」之後陳蕾說：「我冇唔感恩個經歷，但唔需要重提。」更同Jeffrey講「如果唔係靚仔你死咗！」而Kaho又爆陳蕾為這個騷撼崩牙，陳蕾就解釋自己是畀mic stand撼崩。
陳蕾成Kaho Jeffrey「箭靶」
受訪時，3人表示今次合作很開心，陳蕾指綵排時大家也常打鬧，更指自己成為「箭靶」被兩人嘲笑：「本來我同Kaho比較熟，同Jeffrey冇咁熟，慢慢都會感覺到佢開始趷我。」Jeffrey則指那是因為相熟的表現，Jeffrey全晚又露背又騷麒麟臂，是3人中最性感，問到是否有操肌，他表示一直也有操練，笑言「睇吓幾時要攞嘅時候咪攞吓囉！」
問到對自己跳舞的評價，他指最重要觀眾睇得開心就足夠，至於今次後是否有信心開個人騷，他指要先多儲經驗。Kaho在唱歌時甩嘴，他解釋因太投入關係甩了一句，但最重要情緒表達方面自己仍然做到，所以還好，而甩嘴後也很快pick up返，至於陳蕾在跳舞時經常抽起長靴，她笑指因為瘦了：「可能今（昨）日跳得耐咗，尋日綵排嘅時候都冇呢個情況發生，可能今日見到人多就盡顯到我舞王嘅姿態，所以跳到甩襪。」問Kaho覺得陳蕾是靚還是醜？他表示「靚」，問陳蕾是否因為已補牙所以回復靚樣？她指撞到牙時聽到「砰」一聲，當刻即想到自己會否大爆血或甩牙，幸好最後看到只是崩了一點，所以好開心。
最新回應